谷祖琳感激黄秋生教演《爸爸》：乜都唔好做 入行27年首提名女配角多谢每位同行人丨独家

谷祖琳凭电影《爸爸》首度获提名金像奖“最佳女配角”，除了感激电影制作团队外，入行27年来遇过的人，也成就了今天的她。而当中最感激父母对她的全程支持，特别是谷爸爸铁粉式盲撑，既感动又搞笑；其次是首个合作导演陈果，在他震撼教育下成长；仲有默默在身后支持的老公刘颖恒（Andrew），还有如定海神针般存在的“私人补习老师”黄秋生，原来她在《爸爸》“无添加”的演出，亦多得黄秋生教路。采访：杜杜 摄影：林宾尼 服装:Isabel Marant

小谷收到提名消息兴奋过后，最担心未揾到靓衫出席颁奖礼。

小谷收到提名消息兴奋过后，最担心未揾到靓衫出席颁奖礼。

小谷收到提名消息兴奋过后，最担心未揾到靓衫出席颁奖礼。

小谷甫入行已认识黄秋生，两人关系亦师亦友。

消化了入围消息后，小谷最感激这27年来遇过的人，“𠮶日坐低静静哋谂返，呢个提名一定唔系自己功劳，甚至乎唔系净系呢套戏𠻹！我嘅人生点样成就咗我呢个人，继而咁啱有呢个戏、呢次机会，先至可以拿捏到，谂返系我一路以嚟遇到嘅人，觉得好温暖、安慰，一路身边都有人同行，真系要多谢佢哋令我行到𠵱家，唔系讲得奖感言，都已经要多谢好多人。”

在没公司没经理人下获提名，小谷很感激一众投票给她的同业。

在没公司没经理人下获提名，小谷很感激一众投票给她的同业。

小谷在《爸爸》中伙拍刘青云，两人的夫妻情感动人心。

头号铁粉谷爸爸

小谷首要多谢当然是父母，特别是她的头号铁粉谷爸爸，“《爸爸》佢睇咗2次，以佢70几岁嘅人，比较文艺嘅戏佢都睇2次，佢仲话第2次好睇好多㖞，我唔系净系睇我啲嘢，会睇埋阿翁（导演翁子光）啲访问，总之睇晒我周边啲嘢。”原来当日第1个通知她入围金像奖，竟不是电影公司而是爸爸，“我执紧屋，爸爸打畀我，问我‘点呀？入唔入到围呀？’我话唔知㖞！佢话‘几时知呀？’应该呢几日啩，佢话‘咁我话畀你知啦，你入到㖞’，我话系你想之嘛，佢话‘公布咗啦！’”提起谷爸爸，她最深刻一幕是入行前，首位经理人Amy约爸爸见面的搞笑情景，“我爸爸系冷面笑匠底，但佢唔知自己滑稽，我最记得Amy话‘觉得你个女好好想签佢’，我爸爸反应系‘吓！佢得？！’跟住我又望住佢话‘我得？！’跟住我哋两个一齐话‘得咩？！’，Amy仲话‘一定得’哈哈！”

对于“老公”和“阿仔”获提名，小谷有信心他们得奖。

入行以来家人一直很支持小谷，尤其是父亲（左二）。

陈果狂闹下成长

小谷当年澳洲大学毕业返港，一心想做幕后，但被经理人Amy带入行做幕前，她形容是戆居居的情况下拍首部电影《去年烟花特别多》，“拍阿果（陈果）嘅戏，传统系要做埋幕后，𠮶时系造型、化妆乜都冇，要自己做埋，𠮶时畀阿果同其他人闹到反艇，同我幻想嘅情况唔同，直情系电影梦幻灭，𠮶时真系好迷茫，个人变到好瘦，好似进入黑洞咁好崩溃。”她最深刻有场戏到大潭水塘拍摄，但制作队忘记了带她一齐走，“佢哋走咗，冇人知我仲喺度，落雨成身湿晒，底裤都湿埋，又冇钱喺身，我上咗小巴喺度爆喊，个司机见我咁可怜仲唔收钱。”这些经历，令她往后日子成长得更快，“𠮶时学咗系吸收唔到，但𠵱家回顾返，呢个经验系好珍贵，系个好好学习，都要多谢阿果，佢系好火爆，见到佢啲作品都系好有火，但佢真系对件事。”

陈果的严厉令小谷在不知不觉下成长，震憾教育的好处。

小谷演出首部电影《去年烟花特别多》，她形容当时“戆居居”。

老公背后默默撑

小谷坦承入行多年，依然对自己没信心，全靠两个人鼓励，首先是2010年结婚的丈夫Andrew，“佢真系好支持我，知我冇信心，成日会鼓励我，我有工作佢就尽量照顾屋企啲嘢，啲女佢凑，尽量唔烦我。”而另一个就是老师黄秋生，“我哋好close，对我嚟讲佢系我嘅定海神针，呢1、2年同佢倾完偈，我个人就会好定，好似去黄大仙求一求签咁。”两人缘份始于《去年烟花特别多》，“佢见我戆居居叫我跟佢上咗几日堂，𠮶时我系零完全吸收唔到，亦都完全唔知佢讲咩，佢讲啲嘢系简单到你唔信，但唔系咁易做到。”就好似拍《爸爸》前，她一样有请教秋生，“佢一路睇剧本，一路叫我乜都唔好做，我话点乜都唔好做呀？！佢话‘总之乜都唔好做，系佢老婆咪佢老婆，生仔咪生仔囉’，但系我做咗咁耐戏，好难去做到无添加。”不过她多得演《爸爸》有秋生和刘青云教路，“我系好多谢佢，我喺现场亦同青云倾好多偈，得到两大影帝加持同埋认可，系鼓舞到不得了。”徒弟获提名秋生当然开心，“佢好安慰，佢话‘几好呀，见到尾灯呀，哈哈！’佢唔会好夸奖我，但系好紧张件事，我拍紧会message问我，‘今日点呀，导演OK唔OK呀夸奖’。”

老公的鼓励亦成为小谷的最大动力，可放心演出。

小谷跟老师黄秋生在电影《一碌蔗》中也有合作。

在黄秋生教路下小谷没想太多，演生仔就生仔。