叶童两届影后被考起：好失落唔知咩方向 陈果新尝试以全手机拍电影《浅浅岁月》丨独家
陈果监制电影《浅浅岁月》，揾来两届金像奖影后叶童出演女主角“静芬”，虽然角色很写实易投入，但原型正是投资者本人，已令叶童有一定顾虑，而陈果还作新尝试，全片以手机来拍摄，连经验丰富的叶童拍摄时一度不知所措，因担心出来效果而感到不安，结果出来效果令她放下心头大石，更笑言：“好彩我当时冇畀太多声气！”采访：杜杜 摄影：罗安强
《浅浅岁月》改编自小说《完了，就是缘》，而小说作者正是电影投资者兼编剧之一的谢淑芬，而故事正是她的亲身经历。叶童收到陈果邀拍感开心，笑言“监制咁睇得起我”，而最难得是角色以女性角度出发，“听到呢个戏，就觉得点会有人拍个咁样嘅戏呢？！以一个女人角度去讲故事，真系好少有，我系好开心、好钟意，作为女演员好想演一部戏。”女主角色“静芬”原型人物正是投资者，叶童最初有点无所适从，“一般老板大概会知道佢模式系点，但呢个唔系正常老板，唔知佢要求系点？佢系拍紧自己，好似有个使命感，好想用作品留低自己嘅故仔，过程里面我都喺度谂，佢会唔会不停咁话呢句唔讲得，𠮶个唔拍得呢？！”陈果即解答，“其实系有嘅，不过系喺改剧本过程中，老板会雕琢吓，有啲嘢唔系咁讲。”
平凡故事中找不平凡
戏中“静芬”事业有成，但丈夫出轨令婚姻失败，跟仔女关系亦不理想，虽然跟婚姻幸福又没子女的叶童相差好远，但她投入角色也不难，“呢个角色好有熟悉感，好似身边嘅朋友、屋企人会有嘅经历，好似同我好同步，我好似好能理解佢嘅心情、情况，我见到佢时，会感受到佢内里有份执着，无论对佢嘅人生或者工作，我就捉住佢呢种好固执好硬颈性格去做，当我演呢个戏时就会自然而然朝住呢个方向。”故事是个真实人生，并不似一般剧本有戏剧性，陈果坦承花了很长时间作修改，“故仔都系老生常谈，都系啲夫妻离婚个案，呢啲咁简单嘅民间故事，某程度上系几难拍，所以前前后后剧本改咗差唔多11稿，开头系几传统写法，传统并不是坏处，但咁平凡嘅故仔又冇突破性，要谂吓有冇啲新角度去做。”这番话令叶童终明白，电影等了多时才开拍原因，“监制揾完我好耐未冇消息，都谂住算，其实耐唔中都会遇到呢啲情况，始终个题材唔算可以赚钱。”
想试新嘢绝非为悭钱
电影全片以手机进行拍摄，陈果强调并非为了悭钱，反而是带点实验性质，“我同投资者倾时已经有咁嘅想法，喺传统工业入面都会觉得用电话拍使唔使呀？！我最大原因系想试吓新嘢，外地都做咗用电话拍，点解我哋仲要固步自封，一定要用啲传统方法去做，呢个反而系我最想做嘅嘢，完全唔系因为想悭钱。”陈果承认用手机拍有些情况会更易处理，特别是拍摄街景时，“喺街上嘅戏都几自然，大家对于举电话已经习惯咗，所以冇人会理你，出嚟个画面效果可能会更好。”另一个好处，就是可以精简制作人手，“Crew系少咗好多人，一般日光日白拍唔使补光，只系夜晚先要补多少少光。”不过叶童却不认同，还投诉：“但其实我觉得有光会靓啲囉！哈哈！”
手机拍戏有不少好处
面对用手机拍摄整套电影，连经历丰富曾两度夺得金像影后的叶童，对于这个第1次也感不安，“开始时有少少失落，因为系好唔肯定，唔知道个方向系乜嘢，会谂呢个话面出嚟会点呢，因为预测唔到，有时会用4部手机拍，我又唔知分布咗喺边度，同埋咁多年都真系惯咗对住机器，但后尾去到个地步系算把啦！我专注返同对手演嘅戏，不过放开去做，𠮶种感觉都好舒服、好轻松。”拍摄后期，她开始发掘到手机拍的好处，“譬如喺电车上拍，电车空间有限，如果用传统机器，大家都会好辛苦，但系手机真系好方便。”陈果进一步解释好处，“我哋一上电车坐低就可以拍，咁窄嘅空间仲可以有2部机对take，2个钟就拍晒，手机嘅方便就系存在价值。”看到电影出来效果，令叶童更加放下心头大石，“我最担心出嚟嘅清晰度，但系最后个片比我想像中好好多，个银幕咁大，唔系好觉有杂质，好彩我当时冇畀太多声气，一直都好配合啫！哈哈！”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
