80年代女星刘雅丽惊爆离婚！激罕受访认因一事决回复单身 “奔七”后独自生活不寂寞
80年代已经活跃影视圈、曾在电视剧《苏乞儿》饰演刘德华的女朋友刘雅丽，在1983年是首位以女主角身份参演荷里活电影的《Uncommon Valor》，当年与男影星Gene Hackman（真赫曼）合作，不过多年后与德国男友结婚后便外国，离开娱乐圈专心相夫教子，未有再现身娱乐圈。
“奔七”刘雅丽罕有地开金口谈近况
不过近年刘雅丽曾返港出席朋友聚会，今年已经“奔七”的刘雅丽外貌与当年分别不大，依然充满开朗气息，脸上未见有太多岁月痕迹，日前刘雅丽罕有地开金口，现身刘雅丽（Alice）的YouTube频道“我和刘雅丽有个约会Alice Lau”节目，两位“刘雅丽”首次正面交锋，感觉认真特别。
相关阅读：80年代女星刘雅丽激罕现身！惊人冻龄样与林建明聚会 曾是“刘德华女友”闯过荷里活
80年代女星刘雅丽惊爆离婚：
刘雅丽样貌基本上与当年分别不大
刘雅丽以昔日一贯爽朗的笑声与观众打招呼，除了戴上老花镜外，样貌基本上与当年分别不大，刘雅丽当年拍完电影《庙街皇后》后便离开香港：“我唔记得自己以拍过乜嘢剧集，只系记得最后一套演出嘅剧集系《蜀山》，之前拍《成吉斯汗》嘅时候仲大咗肚，𠮶阵自己都唔知，仲去拍碌落山、骑马嘅戏。直到拍完去咗澳洲旅行，有朋友话我肥咗，肯定系大咗肚，跟住验孕真系有咗，不过我都系玩咗一个月返嚟先睇医生。”她笑说：“其实我1989年就冇做而去咗美国，我一路都有返香港，因为我去咗做生意，系做内地入口批发，做咗25年。之后觉得经济开始衰退，再加上个仔都大学业毕业，所以咪决定闩咗佢，如果我大把咪都话慢慢去玩，但系如果唔系话大把钱，将啲退休金投资埋落去，你冇咁嘅时间再做，不如揸住啲钱慢慢享受好过喇。”结果刘雅丽在59岁那年决定退休。
刘雅丽60岁生日正日离婚
提及婚姻生活，刘雅丽说：“虽然我哋系天主教，但系因为我老公结过婚，所以唔可以喺教堂行礼，只可以喺婚姻注册处签纸。我哋喺disco认识，𠮶次系去朋友嘅生日会，同个经理倾倾吓，佢就介绍咗一个男仔畀我识，打完招呼就冇下文，点知3年之后，我哋再遇返，慢慢约下拍拖仲结埋婚。”刘雅丽笑说：“我同男友分手冇耐，一直都冇谂过结婚，而家嘅生活系全职去玩。” 不过刘雅丽坦言已经回复身单身：“喺60岁生日𠮶日离咗婚，点解离婚呢？原来英文同中文系拍唔埋，但系我应承咗个仔唔离婚，喺个仔10岁嘅时候，我已经同佢讲话妈咪好辛苦，想离婚，佢就话离婚间公司咪会闩囉？所以到我59岁，间公司闩咗又卖咗，跟住咪搞离婚，到我60岁生日啱啱搞掂，我仲多谢律师送咗份生日礼物畀我。”
刘雅丽回复单身周游列国享受人生
回复单身后，刘雅丽周游列国享受人生：“我老公佢唔系一个坏人，佢只系一个唔明白同唔体谅嘅人，但系我偏偏系尽我所能嘅人，对每一个人都系咁。我老公佢唔系好钟意做嘢，一直我都系好平静咁搞间公司，我觉得唔会做死人，只有系激死人，我对我老公一啲嬲都冇，嬲人只会系自己唔开心，但系如果我选择原谅，因为中间隔住一个仔，万一有乜事，最后只会伤害个仔。人生只不过系一个过程，个天安排呢个老公畀我，系有一个原因，到而家我都明白，点解会畀呢个老公我， 因为我而家另一个工作系帮人，主要系帮老人家，另一个系睇唔过眼嘅嘢就会帮，我而家帮紧一间工，佢哋喺一年蚀咗100万，所以咪帮佢哋，慢慢发觉以前有好多经验令我学到嘢，而家我好知足同感恩。”刘雅丽目前在拉斯维加斯独自生活，但她一点都不寂寞：“我识咗好多朋友，同隔离嘅感情都好好，有一家仲系我以前男朋友嘅细妹，我哋系好朋友。”
相关阅读：余慕莲精灵打麻雀庆86岁生日！ 三年前一度留医ICU 愿望食得玩得瞓得
吴丽珠曾恋上歌神胞兄：
刘雅丽儿子仍未结婚
刘雅丽在节目上有公开家庭照，虽然老公是美国人，儿子本身是混血儿，但原来操得一口流利的广东话：“我系坚持全中文，同佢倾电话你系唔知佢系鬼仔，佢同我倾偈就会认真讲中文，我觉得呢啲嘢将来系用得到，所以一直培育佢。”刘雅丽还说儿子仍未结婚，目前在LA居住：“佢而家教紧书，佢正式系一个舞台剧演员，又读过舞台设计，毕咗业之后做过好多多舞台剧，不过始终唔系太揾到钱，跟住做咗专门设计演员套衫嘅颜色，之后因为美国演员公会摆工摆咗耐，佢就去咗做助教，教吓啲中学生，冇乜嘢做又去做吓啲道具，旧年全职教书。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
