朱栢谦超爱大癫《祓魔》：拍到系骄傲 跟戚家基导演同样中二病一拍即合丨独家

朱栢谦在ViuTV话题剧《弊家伙！我要去祓魔》，跟身兼编、导、监的戚家基（Peter）首度合作，饰演大反派“万无极”，Peter认为角色非朱谦莫属。而朱谦直言因跟 Peter同样中二病而一拍即合，很欣赏这套大癫之作，单听故事已𦧲饭应话“死都要拍”，完成后更认为自己能参与感到很骄傲。采访：杜杜

朱谦和Peter拍《祓魔》后一见如故，好想再有下次合作机会。

同样是动漫迷的朱谦，能参与《祓魔》超开心。

本身是动漫迷的Peter，一直很想制作这类作品。

Peter坦承选朱谦演“万无极”，因他有齐角色特质，“呢个角色需要个气场，首先系个领袖，其次讲嘢要有威严，再者讲嘢会有人真心相信，呢个真系最难，要揾个有威严嘅领袖好多人都得，而佢就咁同你讲嘢把声就有呢个力量，呢样嘢佢喺舞台上系无敌。”最搞笑Peter首次见朱谦时，为表诚意角色不作他人选竟然话：“呢个角色系要揾你演，唔可以揾你细佬（朱栢康）做，哈哈！”

“万无极”的特质，在朱谦身上都可以揾到。

“万无极”的特质，在朱谦身上都可以揾到。

“万无极”的特质，在朱谦身上都可以揾到。

CG做足1年半竟冇超支

Peter坦言也担心朱谦除档期外，也有可能不接，“我哋个剧傻，系中二病，好多人见到会惊，揾佢时好惊佢会唔会藐？！”但两人倾谈后，朱谦已二话不说答应，“点知我都系中二病，我哋志趣相投，好彩揾咗我，我系𦧲饭应，呢个角色真系好正、好劲！我唔记得当时档期点，但我同佢讲我死都要做，同埋佢动漫嘅文化涉猎系又濶又深，佢拍呢个剧蒸馏出嚟嘅嘢，畀观众睇到系会好精彩。”拍完后朱谦更加爱这套作品，“拍《教束》系我最快乐、最难忘嘅时光，好钟意呢个作品，其他拍过嘅作品唔系唔好，但系我会讲《祓魔》系劲、大癫！点可以拍到，净系睇啲角色造型都黐线㗎，拍到呢套戏系骄傲！”

朱谦跟韦罗莎演的夫妻感情戏，相当细腻。

朱谦开心跟庄韵澄再合作，剧中两人有特殊关系。

由于该剧台前幕后都好有火，拍得超投入，朱谦形容“Peter Tsi”才是最大的邪教，“我哋都入咗呢个教，Peter真系劲，应该开多啲戏。”而该剧做了1年半后期，制作费一样没有超支，Peter认为全靠有班好战友，“惭愧地CG第1轮做出嚟唔系好满意，要再做多轮，但制作费都系ViuTV做开60万1集个价，所以话真系有班好人，我想同其他制作人、投资者讲，唔好以为出呢个钱真系有呢个制作，全部系好多人嘅热情同埋爱，有心先可以做到。”

《祓魔》花了超过4年制作，但Peter乐中其中。

Peter感激台前幕后的投入，成就这套不一样的作品。