秦煌唔觉系悲惨老人家：最紧要心态好 孤独过80大寿只求有美食丨独家

因行动不便入住护老院大半年的秦煌，于2月16日在老人院渡了第一个生日，虽然院内不设庆祝活动，亦没有他期望中，能够跟家人开开心心，简简单单出外食餐饭的画面，但当日却喜获《星岛头条》记者送上生日蛋糕及恨食了多年的云吞面。秦煌心态好，不觉得自己是悲惨老人家，反而捧住碗云吞面和生日蛋糕笑骑骑，满足说：“趁有牙食得就食！” 采访：方骞平 摄影：罗安强

秦煌揽住生日蛋糕笑容满面。

寿星公收利是及蛋糕好开心呀。

秦煌在老人院住独立房间。

老人家好易满足。

乐观煌哥唔觉自己悽悽。

80岁大寿的煌哥不停骑骑笑。

煌哥主动提出要表演“飞车”。

80大寿当天，寿星公秦煌身穿深蓝色上衣配衬同色系cap帽，打扮醒神，尤其捧住记者送来的生日蛋糕时更开心到爆猛话：“好靓！”珍而重之表示要留来做宵夜，更指定要交给相熟的夜更女工保管：“唔好畀人偷食！”被问到是否刻意打扮过生日时？煌哥即大笑说：“又唔系？日日都系咁！” 

房内多了张防滑地毯。

秦煌食晒罐曲奇饼。

墙身则贴出多张他的经典剧照，包括《射雕英雄传》经典角色“周伯通”。

煌哥所住的独立单人房，有埋便桶及冷暖气。

秦煌“升呢”搬到80呎单人房，房内有冷气、暖炉、床头柜、饭桌，墙身赔上剧照，迷你电视及衣柜都系私伙嘢。

床边设有小便桶。

小便就容易解决。

“开大”时会卧床便溺。

自掏腰包买了$300衣柜。

原本住开用布帘分隔空间的大房。

仔女情人唔见人

对于当天子女冇现身；内地情人知己Mary都冇影，秦煌在院内有点孤寂，他却秒速为子女解画：“佢哋要返工，我都唔想搞到咁大阵仗。(咁会否好失望？) 冇失望，呢啲唔关佢事㗎，以前我要返工要做嘢，系我一直教养落嚟冇做到(关心)呢啲嘢，变咗相处方式比较疏离。”至于Mary的事，他就形容都过去了：“呢啲系60岁嘅事，佢过得开心我就开心，𠵱家大家经已少联络。”秦煌又为寂寞生日打圆场：“哈！我都唔再重视80岁喇，因为𠵱家过咗80岁，目标一定系超过90，有90目标就望100，我哋屋企人好长命，所以唔好衰畀佢哋睇。”

秦煌经已和内地情人Mary冇乜联络。

在煌哥手机相簿中收埋不少冇血缘7岁“囡囡”徐子欣生活照。

秦煌疼锡Mary嘅囡囡。

秦煌和亡妻莫佩雯感情麻麻。

快乐不知时日过

谈到生日愿望，他就安于现状：“生日冇特别嘢，都系自己开心啫，最开心系唔使担心财困，唔会好似以前咁忧柴忧米急于揾嘢做。呢一年都ok㗎，除咗有3餐温饱，仲由政府供住，住嘅老人院单人房又咁大间，仲有4000几蚊综援金做零用钱，有时仔女会畀啲钱我，边度使得晒啫？我𠵱家好ok㗎，80岁个人好精神又食得，心态会好过以前。”他坚持最紧要是心理质素好，做人乐观，不会自怨自艾，还自嘲快乐不知时日过，追问2月16日究竟是星期几？又笑说几乎连自己生日都忘掉。现在无甚牵挂的他最开心有美食：“呢度过时过节会加𩠌，一人一份虾、烧肉，啲𩠌多到食唔晒。啲女又会买条烧腩骨上嚟畀我食，哈…好味呀！趁住仲有牙食得就食，唔使拆啲牙(假)出嚟嘛，睇见啲人都好肉酸。”由于老人院规定下午5时食晚饭，夜瞓的秦煌每晚都要食消夜顶肚：“我会畀钱夜班个女工买糕点畀我做消夜，大概$100食到4日；有时揾人推我落街买下零食。𠵱家天时冷仲要饮杯即溶咖啡来暖胃才瞓得着。”化

一年前独住青衣酒店，3餐都成问题。

当时幸得有老友林伟照料。

𠵱家入住嘅老人院平日𩠌菜有炸鸡中翼、卤水蛋、蠔油生菜及萝卜汤。

之前秦煌曾两度跌亲送院，康复后心情开朗。

煌哥眼仔碌碌好精灵。

生日恨食云吞面

讲到食，秦煌最恨食是云吞面：“有10几年未食过，想食好耐都唔敢出声，女工话难买㖞(咁叫仔女买啦？)唔使，嚟到都冻啦。”煌哥还想当年：“20几年前收工会去九龙城食宵夜，𠮶度啲云吞面、艇仔粥好靓，好想回味返当年感觉。”他又表示年青时行得走得乜都食，后来怕脚痛戒食内脏及戒酒。对于他的双脚仍然又黑又肿，煌哥变身“老顽童”说：“我好乖，瞓咗成3/4日床提起对脚消肿，呢个系瞓床效果，对脚开始皱皮及收水，好返好多啦…大佬呀，就算仲系肿都冇办法啦，今年都成80岁喇，年纪大，唔会要求自己行路跑步，我仲可以企喺度，按住张枱喺尿片度‘开大’，总之精神就得。”记者完成采访后，专诚徒步10分钟去专门店为煌哥买云吞面送上惊喜，开心到不得了的煌哥话要趁热食，就算食完晚饭都急不及待“队”埋个面，就汤都饮埋。老人家愿望达成，衷心向记者说：“多谢你！”然后回房休息。

秦煌用了8分钟时间鲸吞热辣辣云吞面。

食到竖起手指公。

恨食咗好耐喇。

连汤都饮埋。

皱皮双脚依然又黑又肿。

林院长特别关注秦煌，劝他要乖点多卧床。

2008年曾因饮醉发生长洲渡轮码头堕海意外。

近年秦煌经常入院。

7年前煌哥仲有气有力拍到电影《我的情敌女婿》。

当年秦煌演活老顽童周伯通角色。