星8卦丨“少爷”发明星梦沉迷赌博 债务缠身唔要面自救
“少爷”做乜搞到咁落魄？大家都一直以为佢好掂，其实掂𠮶个家庭系阿叔，同佢老窦冇关。呢个世界大话讲多几次就以为系真话，“少爷”亦好叻制造呢种假象，对住帮到自己建立形象嘅人又好疏爽，派嘅初时亦系老窦嘅钱，但耐咗就梗系唔得。
相关阅读：星8卦丨“富豪”呃钱呃极有人落搭 申请破产连累老友正人渣
最惨系一日到黑都发明星梦，仲为咗人哋讲句唔靓仔，个样越执越夸张，搞到不知所谓，而且冇做艺人天份真系唔好勉强呀，老窦最后闩水喉叫佢清醒啲。问题系入咗行之后识埋啲有不良嗜好嘅人，结果系成日跟埋班人去赌钱，人哋以为你有钱，夹埋啲不良分子当你系水鱼。
相关阅读：星8卦丨“太太”得“富豪”照顾为面子嫁“明星” 做兼职养家财来自有方
不过后嚟都唔使设局，好似撞鬼咁自己得闲就过大海，完全著晒魔，借埋借埋条数真系还几世都搞唔掂，老窦豆话之你死，咪叫我拎埋啲老本出嚟，因为系无底深潭。“少爷”见势头唔对，用正常方式借嘅加埋其他途径真系搞唔掂，决定唔再死撑，冇面就冇面，何况佢谂住唔系香港住，咁就唔使见人，拎住已经收埋嘅老本去个草根地方，一样可以逍遥快活咁过埋下半世。
---------------------------------------------
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
点击以下6大平台 接收加拿大新闻及生活资讯
×