潘静文何晋乐做主持演戏不忘歌手身份 黄奕斌蛇年想出创作歌演大反差角色丨独家

潘静文（Sherman）、何晋乐（Rock）和黄奕斌（Hugo）对于龙年发展大致满意，Sherman获提名“最佳女新人”。展望蛇年，Sherman想孭飞主持游戏节目之余，继续出新歌；Rock望在《爱·回家之开心速递》有更好发挥，有机会出新歌；Hugo恨推出创作歌及有机会拍剧，演大反差角色。采访：杜杜 摄影：朱伟彦 发型:Hugo Poon@PRIVATE i salon(Rock&Hugo) 化妆:King yip@kingsmakeup(Hugo)

Sherman、Rock和Hugo希望蛇年继续工作机会不断，财富人缘样样有。

Sherman想新1年人缘好，能得到观众喜爱。

Rock想努力揾钱，可令父母安心。

Hugo恨成功推出自创歌曲，仲有拍剧机会。

Sherman、Rock和Hugo希望蛇年继续工作机会不断，财富人缘样样有。

Sherman满意龙年发展，因有机会尝试不同工作，“都算丰收，挑战咗3个慈善骚，又主持阿姐（汪明荃）个特辑《荃颂荃盛》，仲做埋奥运主持。”对于不能夺得“最佳女新人”她未太失望，“证明我未够好，可以再做好啲，同埋工作唔系为攞奖而做好。”蛇年愿望，她想孭飞主持节目兼继续歌手身份，“《声梦1+2》𠮶类游戏节目，我都有信心1个人主持，而旧年只出咗《伤鱼座》1首歌，今年想出返多啲，提醒大家主持外都系歌手。”

Sherman单拖主持阿姐特辑《荃颂荃盛》，成就解锁。

Sherman去年只推出了单曲《伤鱼座》。

希望能双线发展

龙年发展，Rock最开心有机会加入《爱·回家》演“龙舟”，令他自信心提升，“上年真系好疑惑，入《爱·回家》前会谂我要揾钱定系去追梦，好现实要对父母负责任，加入后有好稳定收入，可以计划多啲嘢，信心自然大咗。”踏入蛇年，他希望在《爱·回家》可以跟更多不同对手合作，亦会坚持写歌，“同三太（樊亦敏）夹得好好，但接触新对手会有啲尴尬，想夹多啲唔同对手令自己快啲成长，音乐方面都有啲歌写好咗，睇吓今次有冇机会出。”

Rock感激樊亦敏很照顾他，戏里戏外都为他着想。

Rock去了只推出了单曲《深感荣幸》。

Hugo坦承龙年因男团“LOONG 9”发展有阻滞曾失望，幸好最终能夺得新城“劲爆 Z世代乐势力跳唱歌手”，“出道时好梦幻，完成咗细个做idol梦想，工作冇想像中咁多系有点失望，但年尾系满意，因攞咗新城个奖，最想多谢好似家人一样嘅fans。”展望蛇年，他最希望唱歌演戏双线发展，“写咗首Rap嘅歌送畀妈咪，期望母亲节可以出到，另外我都好想有得拍剧，咩角色都冇所谓，最好有机会挑战啲同自己反差大啲角色。”

Hugo去年推出2首跳唱歌，其中有《LIT》。

Hugo开心能夺得新城“劲爆 Z世代乐势力跳唱歌手”。