星8卦丨“古惑”爱滚“大婆”心水清每年计数 互相尊重高人夫妇

好多人都唔明点解“古惑”可以瞒住老婆街头一个街尾一个都唔会婚变。男人嘅嘢，你肯畀尊重“大婆”就得㗎啦，“古惑”仲要人前人后好似好惊老婆咁。不过表面睇佢真系对老婆扶出扶入，落雨担埋遮，老婆呢，好乐意接受，亦扮得好恩爱。

相关阅读：星8卦丨“阿太”被老爷拣选嫁好人家 难顶小三小四骚扰情绪出事

“古惑”身边好多擦鞋仔，养住呢班人系帮佢揾嫩口又干净嘅少女，因为“古惑”怕污糟， 所以有个条件就系搞第一次，自己就最安全。“大婆”明知佢系色心未尽，所以同佢讲唔好搞到一身病就畀呢个自由度，“古惑”梗系誓神劈愿话自己冇出去乱嚟，有都一定返嚟讲嘅。

相关阅读：星8卦丨“丑爸”乘人之危娶“斯文”离婚多年冇断财路证真爱

“大婆”份人阴滋斯文又温柔，“古惑”算过命呢个女人最旺自己，所以特别迁就亦见佢好识做， 所以相处融洽。有次一班人食饭，大婆唔大声唔细声当住全世界对“古惑”讲咗句：“你今年埋数使喺啲女 身上都有五、六百万，明年市道唔太好，唔好咁阔佬啦！”

相关阅读：星8卦丨“花旦”错嫁破产“伯伯”转名下物业被充公蚀大本

古惑呆咗一呆，即刻赔笑面：“老婆真厉害，我自己都计唔到条数添，好，明年悭啲驶！”大家震惊系一个乜都知心水清，一个钟意玩但唔知畀人知晒咁多嘢，但又得到绝对嘅尊重， 呢种夫妻相处方式真系高人至做到！