专栏 Will知足球｜行“车”打倒褪 （上）

车路士已经英超5场不胜，究竟季初令人眼前一亮既蓝军其实系咪昙花一现？今次会同大家睇睇教练先。

体力留放依然系最担心，每一场波都要到80分钟先换人，本身正选𠮶班付出好多，去到季中自然会跌；再加上后备𠮶班出到嚟得10分钟表现自己，时间亦都系好紧绌，状态自然都唔会够Fit，即使有欧协联，但系强度都系偏低；又有啲人唔啱用，再储咗咁多玻璃脚，去到?家开始隐患浮上水面。

每一场波都系企同一个位，防守方面无乜点执过，Switch off当然系大问题，但系每场波都系咁守，当近5场波有3场都系未能将领先优势带到尾，正正就反映出系体能顶唔到去最后。阵上好少会拖慢个节奏，控制番个场面，做得唔够理想。譬如曼城攞冠军嘅球季，都系会特登搓慢对手，今年嘅利物浦亦都系选择时间揿掣，马列斯卡真系要喺?方面落下力。

体力留放去到下半季一定会继续遇上，一场波踢90分钟，场场挨唔到尾真系会想死，下一篇会从球员角度出发。Willhappy