专栏 Will知足球｜不敌时代巨轮 戴治功过难定

爱华顿新班主上任后，近5场2和3负，戴治亦好快落镬，上场足总杯2:0赢彼德堡，就由爱华顿经典双闸史密斯高文加拜恩斯顶住个教练位。

2023年就系戴治走马上任，除即帮助爱华顿护级成功，去到第2季球队被赛会扣分依然顶得住，再一次好早就逃出降班漩涡，去到今季比赛内容大致相同，依然都系护级线之上，不过季中就畀人炒咗。

睇番呢个阵容已经用到尽，神经刀嘅比克福特把守独木关，右闸仲要用紧39岁嘅艾舒利杨格，前面又系退化紧嘅卡维特利云，尽管战术继续用好多高空波，但系已经将球员嘅特点发挥出嚟。今季嘅收购亦都表现唔错，买咗伊利文尼戴耶，佢做咗好多突破嘅工作，最深刻当然系对曼城嘅入波，甚至取代埋杜韦麦尼尔打正选。

尽管戴治做嘅嘢就系四平八稳，但睇嚟依一种务实地每季以护级为目标嘅传统英式教练，要喺英超生存似乎越嚟越渺茫，崔护重来嘅莫耶斯，又可以喺爱华顿主帅呢个位坐得几耐？Willhappy