专栏 Will知足球│蓝狮冬天Shopping攻略

车路士近3仗只入1球并只得1分，射手高尔彭马熄机，进攻哑火顿成新难题，而中坚班洛特巴迪亚舒尼最快2月先复出，韦斯利科芬拿有可能整季报销，该队买人似乎系必须。

蓝战士嘅中坚搜索名单暂时有汤姆利，呢位AC米兰中坚今季上阵时间不稳，大家仲记得佢曾经都系车仔一分子，对狼队射入一记“圆月弯刀”。自从去咗意大利之后表现唔错，系A米重夺意甲嘅功臣，防守的确有显著嘅进步。不过如果想上演《爱回家》，就要先卖走阿素迪沙斯，但有无球会肯接货又系另一个问题。

前锋就有高路梅安尼，呢位喺巴黎圣日耳门站唔住脚嘅前峰，手长脚长有冲刺能力，其实同尼古拉斯积逊有少少类似，又系需要人地同佢打配合，似乎要孭起球队都系强人所难，上季巴黎40场入面得9个入波，呢半季得两个入波，所以有消息指车路士对佢零兴趣。

车路士嘅冬天Shopping攻略，似乎要补一个中坚加攻击手，我哋继续放长双眼睇落去。Willhappy