星8卦丨“反骨”畀“阿哥”洗脑自抬身价 经济低迷冇人要两头唔到岸

“反骨”真系令人大跌眼镜，之前扮可怜，令人误会佢畀屋企人虾，原来系一个局，佢之所以咁多小动作，原因都系听“阿哥”唆摆。“阿哥”成日觉得自己幕前生涯差唔多，于是问老板拎一笔钱谂住自己搞番啲事业。

相关阅读：星8卦丨“冷脸”对外冷漠超酷 前夫男友相处融洽一家和睦手段高

“反骨”因为一次机会同“阿哥”合作，“阿哥”见佢都好唯利是图，于是好快就用方法表现自己有几多势力。“反骨”畀“阿哥”洗脑，亦知佢张约年期唔长，于是听“阿哥”啲死桥去扭计，冇嘢嘅， 大家尊重合约精神，咁就等时间还佢自由身。

相关阅读：星8卦丨“大眼”挞著“情圣”最错被“辣婆”夹埋阿太玩谢坐冷板

点知“阿哥”谂得太理想，老板话呢轮生意太差，叫佢乜都唔好谂住，而家根本唔系创业时机。“反骨”以为会有更多钱落袋，点知事与愿违，最近见时势唔多妥，开始周围去揾新老细， 不过都好狮子开大口㗎，比旧东家多几倍价码，今时今日边个拎得出吖，平平地仲话有得搏。

相关阅读：星8卦丨“细细”为家计挨苦老窦唔同情 揭发真正身世情绪崩溃

结果而家进退两难，仲肉紧到揾返旧东家话可以减价，人哋见你有名叫咁“反骨”，梗系睬你都傻。好彩之前真系揾到啲，唔系𠮶两层楼都唔知点供落去！