陈欣妍赞沈震轩100分随时等嫁 《误判》拍甄子丹张智霖变“淆底兽”丨独家

陈欣妍（Shirley）在电影《误判》中首演大律师，跟一班猛料前辈甄子丹和张智霖（Chilam）等合作，她坦承拍摄时秒变“淆底兽”，但幸福地得到前辈悉心照顾。讲到男友沈震轩（Sammy）年前接受本报访问时，表明已有计划求婚，只闻楼梯响，她帮口解释因各有各忙，又赞Sammy100分，已认定男方，结婚是迟早的事。采访：杜杜 摄影：孔子 发型:Kenki 化妆:Ada

Shirley拍《误判》尝试了多个第1次，是既宝贵又难得经验。

Shirley拍《误判》尝试了多个第1次，是既宝贵又难得经验。

演大律师有不少条例要记，Shirley亦有一定压力。

Shirley得知演大律师“李思敏”后相当兴奋，但又担心自己驾驭不到角色，“第1次演专业人士，同我本人反差好大，专业人士讲所有嘢系好firm，会好清楚每一刻自己想表达啲乜嘢。”加上今次角色是奸角，令她要做更多准备，“我好钟意演反派，可以好多嘢玩，我成日睇啲超级英雄嘅片，近年啲反派都唔会讨厌佢，今次我都想表现到呢个反派，背后系有故事，令观众明白同理解佢点会咁做。”

Shirley大呼演奸角过瘾，希望将来有机会再试。

Shirley大呼演奸角过瘾，希望将来有机会再试。

感激前辈悉心照顾

Shirley拍《误判》另一个考验，就是初次跟大班猛料前辈合作，“第1次拍咁大制作，见到咁多好叻嘅前辈喺现场，我真实‘淆底兽’一面就出返嚟，开头仲要我系Chilam老板要lead住佢。”第1场跟甄子丹拍对手，她已经惊到震不断冒汗，“真系唞唔到气，但系甄生好好，佢都睇得出我好紧张，问我使唔使饮杯咖啡先，因为佢带咗部咖啡机去现场，我就趁机自我介绍，气氛即刻好啲，佢仲叫我同佢试戏，真系太好啦！”至于跟Chilam不单有亲热戏，还要她做主动，令她紧张到前一晚瞓不到，但埋位时对方好照顾她，“佢会主动教我点做，仲揾咗导演两个人男人试一次畀我睇，真系细心。”

Shirley演的大律师“李思敏”台型十足，私底下原来好惊。

Shirley多得Chilam戏里戏外，都傍到实令她好安心。

讲到男友Sammy接受本报访问时表示有求婚计划，但已事隔2年，追问Shirley进展如何？她即护住男友话：“唔好畀咁大压力佢，如果我系佢会有好大压力。”她坦承早已认定Sammy ，“我都要赞佢，佢系100分，我哋有晒共识，已经冇分大家。”她解释只是近期各有各忙，仲要烦搬屋，“我哋上网有查过结婚嘅步骤有咁多，搬屋已经有好多嘢要谂，等忙完再慢慢谂，反正婚一定会结，希望到时有仪式感得嚟又简单。”

Shirley跟Sammy拍拖7年，仲齐拍广告揾钱。

去年，Shirley跟Sammy合资开健身中心做老板。

Shirley和Sammy早已过同居生活，同结婚分别不大。