星8卦丨“大眼”挞著“情圣”最错被“辣婆”夹埋阿太玩谢坐冷板

有时真系要睇自己好唔好命，尤其系老细缘。“大眼”咪系超级唔好彩，唔知点解同“辣婆”唔投缘，可能系因为唔识做，冇送贵嘢迎合佢嘅贪心啩。

相关阅读：星8卦丨“细细”为家计挨苦老窦唔同情 揭发真正身世情绪崩溃

“大眼”都唔系特别揾到，花旦仔又冇乜代言，所以喺公司得个做字，最唔好彩系挞著“情圣”，条友系女都啱，合作一个食一个系惯犯。“大眼”见人靓仔有型仲有老婆，所以当培养戏入面嘅感情畀自己放纵一下，点知“辣婆” 同“情圣太”系闺蜜，当日为咗帮老公上位，都放咗好多血㗎，所以“辣婆”决定要帮阿太报下仇。

相关阅读：星8卦丨“纯情”靠“才子”上位 苦忍烂滚行为一招从此收服浪子听话

最简单方法系叫楼下啲?放风话佢同“情圣”挞著，仲要系自己主动，所以畀人一种好淫荡嘅形象，之后仲帮佢揾翻啲旧情史，全部一个模式就系姣婆。大家见“辣婆”出手咁狠，于是揾人出面调停，点知佢真系好老实咁同“大眼”讲，因为最憎小三，所以一定要整死佢，唔会畀运佢行，所以唔会再畀任何工作机会放生佢。

相关阅读：星8卦丨“整容”送外卖送到嫁人生仔   “小明”无惧被嘲笑娶妻一家和睦

“大眼”可能 一直被打压，所以EQ劲高，对住“辣婆”讲乜都冇表情，反而越令“辣婆” 上头，好彩“大眼”都叫有天份又勤力，近期又可以蒲番头，睇嚟要等一向横行嘅“辣婆”冇咗权同势至有翻生机会。