星8卦丨“细细”为家计挨苦老窦唔同情 揭发真正身世情绪崩溃
“细细”都系苦命，成世人基于一个心念为咗头家要赚好多钱，因为每次拎钱返屋企老窦就有啲好面口，𠮶餐饭亦食得开心啲。亲生阿妈好快又揾咗其他男人，掟低自己一个人，其他兄弟姊妹又唔系同一个阿妈，所以比较孤独。
相关阅读：星8卦丨“纯情”靠“才子”上位 苦忍烂滚行为一招从此收服浪子听话
“细细”挨苦挨到食唔饱瞓唔够，终于喺揾到啲钱存到些少私己就同老窦讲要去读书，点知老窦突然发烂渣，话咁多年如果唔系见佢仲有啲揾钱能力，一早就赶佢出门口，因为佢阿妈系大咗肚至跟自己，一出世就做埋亲子测试，知道同自己冇血缘，咪当佢摇钱树囉！奇就奇在“细细”竟然一啲都唔埋怨认错多年嘅老窦，反而走去揾唔负责任嘅亲生阿妈狼狼闹咗一大餐，话畀佢害咗自己一生。
相关阅读：星8卦丨“整容”送外卖送到嫁人生仔 “小明”无惧被嘲笑娶妻一家和睦
“细细”最后离开咗屋企，飞咗去热带地方读书，但人生路不熟加埋连串打击，“细细”终于崩溃，畀房东送咗入医院，冇朋友就更凄凉，如是者住咗半年，揾到几个旧同事嚟接济， 从此“细细”啲精神状态都麻麻地，尤其开亲工就古古怪怪，近嚟知道情况嘅人都唔敢揾佢。“细细”啲钱畀老窦夹走晒，如果再冇工开，经济都会出问题，所以有唔少有心人帮佢揾工作，希望有转机啦！
---------------------------------------------
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
点击以下6大平台 接收加拿大新闻及生活资讯
×