【黄庭桄专栏】三妻四妾

跟猪朋A和狗友H两个麻甩大叔，一边饮啤酒，一边谈天说地，风花雪月，讲一些不用负责任的话题，真爽！

几杯到肚，三个麻甩佬自然会聊起女人。

“吖！到底系边一条友仔，订立一夫一妻的法例，只容许男人娶一个老婆呢？”猪朋A结婚超过二十年，活在“妻管严”的世界，难得老虎乸批准他这晚出来松一松，自然大吐苦水。

“咪就系！以前啲朝代，男人都系三妻四妾，几正呀！一个用来管理成头家，一个负责煲汤煮饭，一个善解人意，𠱁自己开心，一个样靓身材正，夜夜享尽温柔乡，真系谂吓都会半夜笑醒呀！”仍是单身贵族的狗友H附和。

我替两个大叔再来多一Round啤酒，问狗友H平日如何分配时间，左右逢源，同时拥有三个女朋友？

“有时我都戥你辛苦，撞正你生日，点样一日走三场食生日晚餐呢？点食得落啊？仲有情人节、圣诞节呢啲拍拖季节，好难分身㖞！”我见到狗友H嘴角渗出得戚的微笑。“你唔使担心，我搞得掂㖞，鬼叫佢哋都钟意我咩？”

猪朋A静静地饮着闷酒，若有所思，“我真系冇你咁本事㗎！屋企净系一个老虎乸，已经成日将我逼埋墙角，折磨到不似人形，日日拎我部手提电话检查，慌死我出轨。如果同时间仲多一两个女朋友，我谂我会癫咗！”

我同他干了一杯，再好言相劝，“你同老婆今世相遇，然后结成夫妇，话唔定系你上一世叩咗一万个响头，求佛祖成全你哋今世开花结果呢！”

相恋，是缘，也可能是债，共行时用心去爱，离别时淡然相送。