【曾智华专栏】嗌．中．赢

投注赛马，非马迷一定以为赢是最大乐趣，系唔系？对小弟来讲——唔系！当然，我也想赢。

其实不少马迷参与，乃在寻求一种莫名的爆炸性兴奋感觉，通常来自苦刨相中的马，转入直路时斗志惊人，骑师也一步不放弃，死顶死骑到尾。当中最后的一百米，正是马迷进入疯狂状态的十秒，只有局内人才知其神仙级的享受。所以，论快感排位，是先嗌，后中，至于赢几钱，已属第三。

不过，上述的兴奋感，必须是有对手情况下才出现，否则，若是“老奉”（旨）抛离赢，咁就冇乜瘾了。呢呢，刚刚的香港国际大赛，正是如此，三只港队代表“嘉应高升”、“遨游气泡”及“浪漫勇士”，根本超晒班，未到最后一百米已知赢硬，仲边有得嗌。

买咗以上三只，W出半点兴奋都冇，派彩蚊滋咁奀，笑唔出。

当日小弟有场㷫过焫鸡，因畀人“打劫抢钱”。话说当日福至心灵，刨中一只冷马“加州动员”，早上赔率二十四倍，内心暗喜，因若跑出，发达！若如此，就真系嗌、中、赢三味全部有齐，真有《说不出的快活》（经典金曲）。

结果，入闸前可以偷笑，因企硬十九倍，似乎冇乜人知佢大超班，加上排十二档，真系火烧都唔会热。

钟声一响，闸门打开，荧幕冇再显示赔率，一如所料，只嘢劲到飞起，最后一百米逢马过马，轻松胜出，我当然大大声挥拳嗌Yes！

可惜跟住一睇，粗口都出埋，原来开闸前不知何来神秘势力，由十九倍打到落四倍！

怎不喊到收唔到声？

痛苦事要立即忘记，改而投入今晚的快乐。一于全捧法国仔贝知仁——“同宝宝”、“前风”、“乐加福”、“蹑景追飞”、“传承者”、“绿色好威”及“新干线”，只只十蚊WP等佢爆！