钟嘉欣开骚父母罕现身！妈妈打扮朴素五官标致优雅脱俗 爸爸一动作尽显铁汉柔情
钟嘉欣（Linda）一连三场的“Remember记得・钟嘉欣演唱会”佛山站，昨晚（1日）假岭南明珠体育馆圆满落幕。钟嘉欣继早前在广州开骚后，相隔3个月再举行个唱，反应依然热爆，三场演唱会均座无虚席。Linda更罕有获父母及孺囡Anika由温哥华到佛山捧场，难怪Linda指佛山站演唱会对她来说别具意义。
钟嘉欣佛山站保留“扔花球”环节
“Remember记得・钟嘉欣演唱会”佛山站，虽然跟之前广州站一样，Linda以经典金曲《一颗不变的心》为演唱会揭开序幕，不过个唱流程、舞台设计、服装及灯光效果却截然不同，她说：“有咗上次经验，今次心态有啲唔同，亦都变得轻松咗，今次重点反而系点样令个演唱会进步，睇番之前嘅片段、观众嘅反应，从而去调节，希望每场演出都畀到观众新鲜感，令观众觉得值得嚟睇，亦因为每场嘅变化，令自己有一份刺激感。”
Linda指，佛山站演出除保留“扔花球”，还加插“民选”歌曲环节，Linda表示：“扔花球环节，我同样会亲手写上一个特别Message放喺花球，但今次我最难忘系民选歌曲环节，事先畀网民拣选喜欢嘅歌曲，然后我再去唱；仲有一个环节，系观众一齐唱《月亮代表我的心》，令我好感动，因为我而家住得比较远，但仍然可以心连心，保持着呢种关系系好难得，当望见月亮时，不论身在何地，仍然好似连系住咁，而呢首歌，亦系剧集《护花危情》一首好重要嘅歌，好代表到我嘅爱。”
钟嘉欣女儿有潜质出道
犹记得广州站个唱，一班好姊妹及好友到场，令Linda大感惊讶，而今次佛山站亦有“重量级”观众撑场，Linda说：“系我好重要嘅人嚟睇我演唱会，佢哋系我阿爸阿妈同埋细囡，其实我入行咁耐，阿爸阿妈好少机会睇我演出，阿爸直头系未睇过，好开心佢哋终于可以睇到，亲身见证佢哋个女努力嘅表现。因为我大囡同个仔都要返学，所以净系细囡嚟，佢都系第一次睇我演出，佢嘅反应好兴奋，虽然佢戴住耳塞，但都睇到又跳又唱。”从钟嘉欣与父母的合照可见，钟妈妈打扮朴实但五官相当标致，而钟爸爸则铁汉柔情，用手轻轻揽实太太，非常恩爱。另外，Linda亦感谢梅小青及刘家豪撑场。
钟嘉欣演唱会佛山站有多个感动位：
钟嘉欣演唱《做你的晨曦》被妈妈感动
Linda续说，献唱《做你的晨曦》时，被观众席上的妈妈感动到喊，她表示：“呢首歌系讲我对女儿嘅爱，因为今次妈妈在场，唱呢首歌时会忆起好多妈妈凑我嘅回忆，令我忍唔住喊，冇谂过自己会喊，好感动，所以每次望到观众席上嘅爸爸妈妈同个囡，我都要避开视线。”
提到孺囡Anika，Linda表示三名子女当中，她觉得Anika最有机会继承其表演的“衣砵”：“佢虽然最细个只有两岁，但性格比较外向，把声好大声又清脆，唱歌应该会几好听，而且佢一听到音乐及拍子声就会跳舞，好有节拍感。”
钟嘉欣留港过圣诞
个唱后，Linda透露将一家五口来港过圣诞节，对此一家心情十分兴奋，她说：“老公疫情后都返过香港，佢好期待，因为佢有好多亲戚喺香港，其实三人小朋友都嚟过香港，佢哋好钟意香港呢个地方，觉得香港好方便、好多姿多彩，就算行街买衫嘅款式都畀加拿大多，每次返嚟香港，佢哋都会学到好多广东话，我都想带佢哋返嚟多啲。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
