专栏│拜仁中场唔系好“德”

拜仁慕尼黑随住柏连拿同阿历山大柏夫洛域嘅伤出，德国中场孖宝甘美治及哥列斯卡已经4场各项赛事都正选，其中嘅考牌战系主场对住巴黎圣日耳门，究竟呢一对中场仲有无希望？
　甘美治今季一路都站稳正选，每一个中场拍档都试过，控球稳阵、传送准绳依然系佢嘅卖点，对圣日耳门嘅时候，上半场正正就系凭佢嘅长传，送到畀利莱辛尼争啲可以先开纪录。但系有时甘美治就系稳阵得滞，拖慢晒整个中场节奏，加上运动能力不足，回身慢一直系佢死症，所以佢嘅拍档一定要覆蓋范围够广泛。

哥列斯卡表现平庸

哥列斯卡系对圣日耳门嘅表现真系麻麻哋，后上入禁区呢招以往嘅杀着好似消失咗，控制节奏又做唔到，真系沉沉哋，唔怪之得季初嘅时候佢曾经要后备入替踢中坚，不过佢防守亦都帮助唔到甘美治，呢场欧联赛事一共输咗8次抢夺，系两队波所有上阵球员中最多，所以如果柏连拿柏夫或洛域伤愈复出嘅话，哥列斯卡应该都系争唔赢正选。

睇嚟呢甘美治同哥列斯卡呢对“6+8”组合都系唔会行得远，拜仁一代嘅德国中场孖宝真系要拆伙了。Willhappy