星8卦丨“阿叔”照顾“大眼”够痴心 同“呆佬”一齐开心做老窦
讲到蠢都冇人够“呆佬”天真同冇所谓，最近做埋老窦梗系兴奋，但冇谂过肚入面𠮶个系咪自己。佢觉得娶到“大眼”好好彩，由于住埋一轮，大咗肚就梗系结婚，其实同时间“大眼”仲有“阿叔”呢位金主照顾住，个肚系边个，“大眼”可能都唔知道。
相关阅读：星8卦丨“痴情”媾女上瘾阿妈出招拣 识做新抱一家和睦
“大眼”一向好叻揾老细，屋企背景复杂，自细就好叻揾有势力但年纪大嘅老人家去照顾。“阿叔”就比较长情，咁多年都令“大眼”衣食丰足，但自知年纪大，咪出钱捧佢出嚟自力更生之余，亦希望佢揾到好归宿，如果对方揾唔到钱自己会照顾埋。结果“呆佬”就系咁样被拣选，一老一嫩合力令佢入局，好快就住埋，期间两个人好甜蜜㗎，不过“阿叔”依然系幕后操纵者。
咁多年“阿叔”都想同“大眼”有个细路，所以公布喜讯之后， “阿叔”认为个肚自己有份㗎，对“大眼”更加不离不弃，叫佢唔使担心生活。“呆佬”唔知咁多，认为自己目前系天下间最幸福嘅男人，对“大眼”嚟讲，面同底都系真正大赢家，两个老窦只会对自己嘅小朋友有好处，所以最近成为城中最靓大肚婆，真系冇嘢讲！
其他文章：
---------------------------------------------
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
点击以下6大平台 接收加拿大新闻及生活资讯
×