60岁黎耀祥唔信一世行运 感叹：我唔摆得几耐 凭《巾帼》名利双收15年丨独家

2009年黎耀祥凭《巾帼枭雄》的“柴九”爆红，15年后《巾帼枭雄之悬崖》的“柴十七”依然叫好叫座，首播7日获跨平台收视24.8点，更成为黄金时段收视冠军。尽管先声夺人赢头彩，4夺“视帝”在望，但60岁的黎耀祥竟然话冇谂过，更突然有感而发说：“上天将最好嘅嘢畀晒我，我唔知有冇福份可以继续落去…我都几十岁啦，正所谓‘摆’得几耐呀…”祥哥是否谂多咗？ 采访：方骞平 摄影：谭志光

祥哥唔强求，好知足，笑容都靓啲。

黎耀祥已将资产畀晒老婆。

祥哥放得好开。

黎耀祥恨创4届视帝纪录。

黎耀祥觉得置身演戏世界最安全。

祥哥唔介意“跑龙套”。

再演《巾帼》系列对黎耀祥来说零负担，反而曾向有压力的对手胡定欣大派定心丸：“因为对手、背景、关系、人物、题材甚至场景都唔同，每个角色有唔同嘅特质，正如‘柴十七’系有自信嘅富二代，肢体动作都比以前多。”祥哥指每位演员都有优点和缺点，各有支持者，唔认同观众要将胡定欣和邓萃雯比较。

黎耀祥跟胡定欣20年来合作了8次。

黎耀祥、胡定欣成为最佳拍档。

祥哥会为定欣做心理辅导。

《巾帼枭雄之悬崖》收视报捷。

左起：庄思明、马海伦、黎耀祥、曾励珍、关嘉敏、邵初、徐正康、编审张华标、监制方骏钊。

拍剧时祥哥都有万岁请大家饮嘢！左起：庄思明、马海伦、黎耀祥、曾励珍、关嘉敏、邵初。

恨创4届视帝纪录
对于再冲击“视帝”？祥哥就老实不客气：“哈…我成日话，虽然明知唔会，但边个唔钟意发达呀？尤其可以刷新4届视帝纪录，不过，都系𠮶句啦，得到观众认同比奖项更重要。”语毕，祥哥突然引爆心声，半带笑说：“我都几十岁啦，仲‘摆’得几耐呀？可能我较为悲观，唔会觉得自己好长命，可能只有10多年，因为上天将最好嘅嘢畀晒我，而且比我预计中攞多咗好多，我以为自己一世都系‘跑龙套’，所以唔知仲有冇福份可以继续。”他还补充，感觉上会比老婆早死，故资产都全交给佢：“就算我死咗佢都搞得掂。”

2009年祥哥首夺视帝。

黎耀祥首夺视帝，太太Julia与囝囝现身颁奖礼祝贺。

2019年祥哥及杨茜尧系视帝、视后。

黎耀祥系金牌男一。

祥哥有思考生死问题。

低调的黎耀祥享受家庭生活。

一家3口好温馨。

黎耀祥有个乖仔。

两公婆好SWEET。

两公婆有影皆双。

开心share扮死尸心得
黎耀祥自嘲只是一个不起眼的中学毕业生，对比80年代高大靓仔小生梁朝伟、刘德华、苗侨伟，笑言不用踎街经已好好：“入行单纯系钟意演戏，觉得喺演戏世界入面最有安全感，可以唔做自己，40年前又赚到3千月薪，就算扮死尸、扮村民一样咁enjoy。”祥哥更开心share扮死尸心得：“系要用腹部嚟呼吸，连眼球都要定格，否则眼皮会穿崩，其实唔容易㗎。”重温“柴九”金句“人生有几多个十年？”他感恩过去15年上天安排赐予几次大奖及稳定的财政和心态，少了经济负担相当重要：“𠵱家好幸福及满足，上天安排每条路都好好，就算当年未上到一线位置都获TVB 加薪4成，唯一小挫折系拍完《西游记》后，1998年离开TVB𠮶4年喺电影圈冇乜嘢捞；至于人生最遗憾系妈妈死得早，未能分享个仔嘅最大成就。”从演40年的祥哥未计划退休：“既然上天畀你能力点解唔做呀？”他还寄语后辈要努力工作，不要计较，因为天道酬勤，做得好自然有回报。

黎耀祥凭《巾帼枭雄》的“柴九”爆红。

“柴九”角色观众受落。

《巾帼枭雄》角色深入民心。

再同邓萃雯合作的《巾帼枭雄之义海豪情》，成为2010年最高收视之冠。

2001跟张卫健、麦长青、江华演《西游记》。

黎耀祥饰演的猪八戒，是代表作之一。

转投影坛拍《爱你爱到杀死你》时候是黎耀祥事业低潮期。

《爱你爱到杀死你》演恐怖Fans。

已故妈妈是祥哥最敬重的人。

祥哥跟同期嘅刘青云夫妇好老友。

黄浩然家中作客。

损手烂脚止蚀离场
另外，提到《巾帼枭雄之悬崖》中的“柴十七”是财经天才，现实中的祥哥刚好相反，他更爆出收收埋埋的小秘密，原来过去无论投资物业、买股票都是损手烂脚：“当年我$270买腾讯，眼见一度跌穿$200，吓到我平手即放，点知升到$400几；又趁1600美元好价，卖走台庆时赢返嚟𠮶10安士黄金，𠵱家金价升近3000美元，计落唔见咗10几万；97年买楼又遇着冧市..我永远系高追低卖，赚唔到好价钱，所以冇掂10年，现在冇任何投资只系做定期，稳收3厘几息。”他抵死地引述老婆大人的说话：“佢话‘反正多正财，如果畀埋横财你，仲有天理嘅？’”

黎耀祥太太消瘦后竟然似刘小慧。

2020年和龚嘉欣拍《杀手》。

2021年嘅台庆剧《拳王》。

2022年他主演台庆剧《轻．功》。

《法证先锋VI﹕幸存者的救赎》黄宗泽表现出色。

黎耀祥今年视帝、视后心水是《黑色月光》杨茜尧。

跟龚嘉欣再度合作拍摄《香港探秘地图》。

黎耀祥、麦包为TVB拍饮食节目。