陈晓华唔肯认爱朱敏瀚等肯嫁先公告天下 37岁罗天宇心急揾老婆怕生BB距离远 丨独家
陈晓华（Hera）和罗天宇拍《巾帼枭雄之悬崖》，两人最开心能跟黎耀祥做对手戏，Hera更指祥哥和定欣改变了她的人生及工作态度，相当夸张。虽在剧中首演情侣，但两人不担心再传绯闻，因他们各有“另一半”陈懿德和朱敏瀚。问到Hera跟朱仔的“婚讯”，她讲明拍拖不会公开，但结婚必定会公告天下，相当耐人寻味。采访：杜杜 摄影：谭志光 发型:Hair salon@Martin(天宇)、hola(Hera) 服装:HarrisonWong(天宇)、Alice and olivia(Hera) 场地:Velo Italian Bar&Grill
Hera和罗天宇首参与《巾帼》系列，更有幸跟黎耀祥和胡定欣合作，恨跟祥哥合作多时的天宇，更一度感动到喊，“真系期待咗好耐，啱啱入行睇佢写嘅书，到《爱回家》有辑同套剧可能同佢合作，但最尾都系冇，我第1日同佢拍完，我系流眼泪。”他忆述当时情况，“喺横店同佢拍喺餐厅对坐嘅戏，我系成套剧第1场仲要同祥哥，好紧张，喺内地拍嘢同香港好唔同，啲crew人数多好多，成个环境太新好大冲击，拍完𠮶场嗌cut，我就同佢讲好高兴同你合作，我就眼湿湿。”幸好祥哥冇畀他吓亲，“佢见惯世面，可能日日都有人咁。”
同祥哥定欣合作学到嘢
Hera形容祥哥平时唔声唔声，但只讲几个字却举出轻重，“个个都同我讲，你喺祥哥身上一定学到嘢，但祥哥唔系成日出声，唔会系咁塞啲嘢畀你照做，只会突然喺你身边讲4、5个字，而𠮶4、5个字系会影响你一生。”她举例子，试过问祥哥如何令演出有追看性，一直吸引到观众，“佢话‘你要知道失去，先知咩叫珍惜’，我都失去过好多嘢，应该知咩叫珍惜，但拍完《巾帼》呢年，脑海成日弹出呢句，原来佢讲嘅系同我唔同level，改变咗我好多人生谂法。”她认为祥哥不单做戏教到人，亦改变到人的人生态度，她在煞科宴听到祥哥讲话也感动到喊，“佢过去几十年一定感染咗好多演员，只系同佢相处咗3、4个月，已改变咗我好多嘢，遇到呢个宝物真系太好。”
Hera跟胡定欣同样是初次合作，她更搞笑向对方示爱：“我太爱呢个女人！”她爱前辈是学习的好榜样，“我第1次同定欣讲嘢，系观察咗佢好耐，然后我同定欣讲佢好犀利，点可以无论周围发生紧咩事，都可以好稳定速度讲嘢，好focus。”定欣演出水准对她影响很大，之后拍新剧《金式森林》有尝试幻想自己是定欣，“遇到佢同祥哥，虽然佢哋冇乜点讲嘢，但喺佢哋身上已经感受到好多嘢，令到我对做演员有新睇法，好想效法佢哋。”
讲天宇朱仔态度差得远
Hera和天宇首演一对，两人更传过绯闻，会否更易投入感情？Hera第1个反应竟是反白眼，搞到天宇投诉：“嫌弃呀？咩事呀？！”Hera笑着说：“熟悉先够胆反佢白眼，唔会反祥哥白眼啦！对上套剧（《金式森林》）佢做我个仔，完全唔记得做情侣感觉，系我个仔就可以反佢白眼。”讲到他们同游日本绯闻，天宇就无奈话，“我哋一个去东京一个喺大阪，只系一齐去咗日本啫！”他笑着指不担心再传绯闻，“大家都有啲绯闻，所以唔担心囉！”指的当然是他跟“东张女神”陈懿德和Hera跟朱敏瀚啦！对于跟天宇传绯闻，Hera却好不满，“出咗呢啲会唔开心，好想大家留意返我工作多啲㗎！”她跟朱敏瀚传出恋闻又会否不开心？她却冧笑道：“我解释得好清楚，了解中，哈哈！”态度明显相反，连天宇都投诉：“感觉咁唔同，同我就唔开心㖞，同人哋就好开心！”Hera就拉开话题，“都系得啖笑！（指12月结婚？）系呀！直头话我有埋BB，哈哈！仲话我同居，𠮶时我喺内地拍紧《金色》，完全冇时间返过香港。”
对于跟陈懿德绯闻，天宇大感无奈澄清，“唉！其实好多绯闻都系，总之一班人影相，呢个系女仔，靓啲㖞，就写佢哋啦！”被封“女神收割机”，他已好淡然，“百毒不侵，已经冇感觉！”他坦认心急揾结婚对象组织家庭“有小朋友嘅话，唔想太大年纪，𠵱家都37岁嘞，过多5年40几，觉得好似距离太远。”Hera早前提到5年后才会考虑结婚，她坦认因事业心强，加上爱情从来没保障，“点解我会咁想focus工作？！因为呢样嘢系值得投资，因为我都好理性，如果我系咁拍拖都唔work，好似浪费紧自己时间，如果同呢个人一齐咗，系咪可以同呢个人行到最后，如果唔系行到最后，咁点解要拍拖呢？！”所以她会花好长时间去了解一个人，再投入一段感情，“食个饭都可以睇到，又或者做嘢都可以睇到呢个人点样，再谂清楚呢个人系咪可以结婚对象，先至投放自己落去，我觉得呢个系理性啲嘅做法。”不过若然走到结婚一步，Hera讲明会公告天下，“唔会收埋，对于我嚟讲人生一啲大嘅阶段，读书结婚，生仔，我都一定会同大家讲，因为我会一定有好多感受，一定会长篇大论喺社交平台度同大家分享。”但拍拖会否公开？她就拒绝话：“对我嚟讲人生重要阶段只有结婚，同埋生离死别，拍拖唔算。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
