70年代歌后怪病缠身瞓足10年！脑筋剧痛连眼都睁不开 24小时瞓床连食饭冲凉要人服侍
曾经在70年代凭《相思泪》、《夜夜寄相思》、《百花亭之恋》等经典歌红遍东南亚的“歌后”丽莎，她的人生经历过不少大起大落，在1982年退出娱乐圈转型从商，在1989年生意失败兼损失惨重，突然因怪病瞓床足11年，虽然外貌不复当年，但能够奇蹟地康复，重新适应生活，原来全因为儿子。
相关阅读：“新加坡歌后”丽莎爆《相思泪》秘史 患怪病匿埋11年更珍惜演出机会丨独家
“歌后”丽莎人生经历过大起大落：
现年72岁的“歌后”丽莎，日前接受好友杨绍鸿的YouTube访问，原名黄焕婵的丽莎在1968年正式踏入歌坛，初出道时唱国语及英语流行曲，其后老板要求她尝试灌录第一张粤语唱片，结果凭《相思泪》一炮而红，成为当时华人世界的天皇巨星，还被誉称为“粤语天后”兼“星洲国宝”。不过在1982年，丽莎退出娱乐圈结婚并转型从商，到了1989年的人生出现了一个极大的转变，当时她的生意失败兼损失惨重，身体更出现了问题。
丽莎曾经历过如此严重怪病
在节目上，丽莎的精神状态很好，实在很难想到她曾经历过如此严重的怪病，她说：“𠮶阵遇上骗子，啲钱都畀人呃晒，一铺输晒，之后可能压力好大，开始觉得个人好唔舒服，个脑成日都好紧， 可能因为谂得太多，跟住去咗医院睇专科，𠮶阵身体都检查晒，好似判死刑咁畀人绑住晒啲手脚喺张凳做检查，跟住开始开闪灯照我对眼，𠮶啲灯闪得好快，搞到我个心跳得好快，喺度狂叫STOP，差少少好似走咗。”丽莎称当时不明白为何要做这个检查，但未有发现身体有什么问题。
丽莎头痛到连眼都睁不开
不过当时丽莎连眼都睁不开：“𠮶阵我啲筋好紧，贴止痛胶布连眼眉都甩晒，叫做可以放松一段时间，跟住医生开咗啲放松神经线嘅药，两个星期后再返去覆诊。到覆诊嘅时候本来我同医生讲，叫佢开多两星期药畀我，但系佢唔肯，惊我食咗啲药会上瘾，坚持停药，叫我返去慢慢休息。”丽莎坦言当时连坐都没有力：“基本上我24小时都瞓喺张床，连食饭都要妈咪喂，床边仲有个痰罐，连冲凉嘅能力都冇。”
丽莎因为儿子没有放弃自己
丽莎坦言：‧“我唔系植物人，只系头晕又起唔到身，我个人系有知觉，个人真系好辛苦，不过为咗个仔，我一定要睇住佢长大，所以一定要身体好番。直至妈妈喺1997年离开，我慢慢开始有起色，阿仔当时16岁大个仔，佢放学返嚟就买嘢畀我食，我阿妈生前教晒佢点样照顾我。我冇放弃自己，见阿仔喺我身边就唔会想死。跟住屋企人带我去医院，食番𠮶只放松神经线嘅药，竟然令情况有好转，如果当日脑科医生继续畀我食，可能唔使冤枉瞓咗10年，我自己都谂唔到。”
钟慧冰重提患罕怪病？
丽莎要重新适应生活
不过丽莎再要面对第二个问题，就是重新适应生活，她说：“醒番之后，好多嘢都唔识，连车都唔敢搭，只系敢坐的士，我亦唔知卡拉OK系乜嘢，咪好奇而去卡拉OK见识一下，点知入到唔有乐队，个老板话而家唔使有乐队，播只碟就唱得，佢仲话唔使理个KEY，可以自己校。”
因为这个老板，令她再次上台表演的契机，“𠮶有个人喺度唱歌，唱到五音不全，我咪喺佢耳边细细声唱，但系都有啲走音，佢咪队咗个咪叫唱，我唱完之后全场拍手掌，个老板咪走嚟问我，话我好似一个人，以系以前嘅丽莎。”她续说：“虽然我又老又肥，但系佢叫我出返嚟唱歌，仲话好多人钟意听老人家唱， 跟住佢仲介绍我去圣诞party度唱歌，之后老板撞到凌霄（新加坡歌手），话想揾我开演唱会，就正式复出歌坛。”
其他文章：
前港姐季军患怪病令血液不流通 手脚冰冷身体似雪房：手指好似想逐只甩出嚟
前港姐季军患怪病“买定骨灰龛” 曾沦雷曼苦主决心与出轨夫离婚：做人要靠自己
29岁女星病魔缠身！演出前突然流产穿纸尿片登台 患红斑狼疮及白血病
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
