Joey公开梅启明虐儿证据再报警指控重婚 梅妈养成儿子酗酒习惯发酒癫又家暴丨独家

因工伤官司败诉后欠讼费未付，遭前雇主入禀高院申请破产的梅启明，早前宣布跟泰籍女友查颂美（May May）结婚，惨被离婚的马籍老婆Joey嬲到爆炸，向《头条日报》提供报案纸，指控有酗酒习惯的梅启明家暴及虐儿，有关证据及男方宣布重婚片段已向大马警方报案。Joey提醒曾于大马宣誓结婚的梅启明：“港马两地重婚属刑事，最高刑罚要监禁7年。”另外，Joey又公开梅启明发酒癫事件，件件都非常乞人憎。采访：曾盻坚

之前因病留院的Joey由15岁儿子Richard照顾。

第二任老婆Joey为咗个仔，和梅启明关系曾经回暖。

梅启明第二任老婆Joey跟15岁儿子Richard相依为命。

在大马的Joey病重要留院，梅启明置诸不理。

梅启明未跟泰妹行埋前好锡个仔。

3仔乸曾有开心片段。

未有泰妹前，每逢儿子返港时都带他周围去。

两父子拍住行街。

15岁儿子Richard品学兼优。

儿子仲多才多艺。

梅启明儿子Richard斯文靓仔。

梅启明15岁儿子Richard高大威猛。 ​

但近年经已冇晒笑容。

仲屈到周身病痛要去拔罐。

May May心口有好大块玉。

当日梅启明好得戚。

本月10日，梅启明揽啜泰籍女友查颂美（May May）宣布结婚。

2021年8月本报独家影到梅启明偷食泰妹拖手行街。

2022年Joey曾指控梅启明出轨，后来梅启明向传媒发放悔过书。

56岁Joey本是梅艳芳海外铁粉，当年因为追星“好幸运”认识到梅家两母子，更被梅启明疯狂追求，Joey说：“当年我唔知咁多嘢，讲到美国返嚟有几惨，我只系听佢嘅版本咪俾佢呃到囉，佢口甜舌滑，除咗May May外，仲有好多烂桃花，包括另一个泰妹及交往多年嘅富贵女人。”

Joey因为追星而认识梅启明。

梅启明行为异常。

饮醉酒推儿子落地

Joey跟梅启明结婚12年，两母子受尽对方冷暴力，唔系发酒癫就为咗泰妹失理智，她更爆梅妈宠子，以往一箱一箱红酒买返屋企，每晚开两枝“𩠌饭”，个仔饮到酩酊大醉，养成酗酒习惯：“一家3口住跑马地时，Richard(儿子)只得5岁，梅启明饮到醉醺醺经常踢门大叫‘开门’嘈住隔离，又话要生又话要死。”Joey唔畀梅启明继续饮更遭梅妈阻止，甚至帮口，“有乜理由唔畀佢饮酒㗎？唔饮酒似咩男人呀？”

梅妈纵容儿子饮酒，梅启明发酒癫会吓亲稚子。

梅妈好宠儿子。

梅妈好锡孙仔Richard。

Joey在港时会带儿子Richard探梅妈。

2022年1月1日，梅启明涉虐儿而报警，Joey说，“当晚佢醉晒上嚟我哋住嘅酒店，送寿司畀个仔食，行去厕所时跌咗封信落地，我叫阿仔嗱嗱声执嚟睇，原来系泰妹嘅精神科覆诊信，佢为抢返封信推个仔落地，撞伤咗阿仔只手，我为咗保护个仔就报警，因为唔想元旦坐救护车去医院(同阿仔验伤)，最后备案了事。”事后警方将个案转介社工跟进，但梅启明唔合作，社工冇符只能不了了之。

12岁的Richard曾遭家暴。

有证有据，有相有真相。

呃母子回港睇楼盘

同年2月10日，Joey再向警方求助：“留港期间，每晚同阿仔去梅妈租住嘅城市花园，要梅启明返嚟煮饭畀个仔食，佢饮咗两杯就手持菜刀喺厨房大大力斩嘢，啪啪声连家佣都吓亲，我同阿仔惊到匿喺房，后来报完警就开门冲落街，梅启明拎住红酒樽跑住尾随，好彩警方及时到场将我哋分开，警员见冇损伤就收队。”Joey为保护母子，返回大马后即向当地警局备案。

梅启明要负责任，当年被逼晚晚返梅妈屋企煮饭。

梅启明每次都来去匆匆。

22年2月10日梅启明曾借醉发难。

手持酒樽梅启明尾随追住两母子。

Joey分别就家暴及虐儿事件在港马两地报警。

Joey分别就家暴及虐儿事件在港马两地报警。

Joey和儿子多次联络唔到梅启明。

今年初Joey返港报警为儿子寻人。

另外，Joey又爆梅启明发酒癫乞人憎事件，试过大力拍打两母子的酒店房门，更大声话：“我要陪个仔多啲，我好锡个仔。”又试过唔开门就发癫打烂门锁同酒店啲嘢，“有啲赔偿了事有啲报咗警，酒店都有晒纪录。”长期受到精神虐待的Joey更被恐吓，称梅启明不时跟她说，唔好搞泰妹，“唔好踩亲佢条尾，佢真系癫㗎！”梅启明又试过扮改过，但被笃爆速逃，“去年8月，佢话租咗跑马地一个唐楼单位，叫我哋返去睇租盘，到时一家3口一齐住，又安排个仔留港升学，点知去到发现系白撞，地产经纪都唔识佢，梅启明被踢爆后发晒癫，一枝箭咁冲落街再冲上电车，阿仔追住佢几乎被车撞，可能佢怕我尾随知佢住边。之后就玩失联，就算阿仔伤心到发高烧都冇理。”Joey狂闹梅启明系‘X街中X街’，家用又唔畀走去玩女人，糟质到个仔病。

梅启明不时扮慈父到酒店陪伴儿子。

Joey怕咗梅启明发酒癫畀佢入房陪仔。

大马重婚监禁7年

Joey强调只系想个“X街”负返老窦责任：“佢仲够胆同个仔讲‘爸爸梗系唔系玩女人啦，咪听个‘癫婆’讲，𠵱家爸爸拍紧啲嘢’真系黐线。佢搞到阿仔左右为难，知老窦做错又唔想妈妈追究，屈咗两年猛话心口痛、气促，梅启明两母子真系极品。”自宣布同泰妹结婚后，Joey曾多次致电梅启明，但都联络不上，故她只能透过《星岛头条》对梅启明讲：“喺大马、香港重婚属刑事，好大罪，最高刑罚要监禁7年，你要记得曾喺大马宣誓，打锣打鼓话要结婚，口噏噏当秘笈呀？𠵱家大马份份报章都有大肆报道，大马政府会保护人民，唔会放过你。”最后Joey向梅启明“赠兴”：“May May陀衰家㖞，呢头高调话再婚，𠮶头梅妈就被破产。”

2012年，梅启明到大马宣誓跟Joey结婚。

香港结婚证书。