区瑞强揭全家皆唱得有意开家族骚 首跟弟妹区桂芬区瑞明同台丨独家

区瑞强（Albert）将于下月举行《区瑞强全民共享演唱会2024》，首度跟妹妹区桂芬和细佬区瑞明同台演出。3兄妹认为唱歌天份，遗传自妈妈的音乐细胞，除了8兄弟姐妹都唱得外，连他们的下一代亦有好歌喉，Albert更有意开家族演唱会，集齐一家人同台演出留个纪念。采访：杜杜 摄影：林宾尼

Albert笑言跟排第6区桂芬和排第7区瑞明，年纪只差2、3年，更投诉，“佢哋从来唔叫我阿哥，叫我阿强或者Albert！”

Albert笑言跟排第6区桂芬和排第7区瑞明，年纪只差2、3年，更投诉，“佢哋从来唔叫我阿哥，叫我阿强或者Albert！”

Albert今次开骚主题大玩亲情，嘉宾会揾埋家人同台，他亦不例外，但两个仔和妹妹区桂芬就试得多，今次决定揾埋细佬区瑞明，“真系破天荒3个人同台，细佬从来冇喺幕前唱过歌，其实佢都好钟意唱歌，我有啲对佢唔住，好似阻住佢，我做歌手咁多年，佢边够胆喺我面前唱吖！”他们更会唱《问》，Albert说：“城巿民歌《问》系区桂芬原唱，今次难得首度演绎3人合唱版。”

小时候的Albert（右）、区桂芬（中）和区瑞明的返学look。

青年期的Albert（中）跟区桂芬（左）和区瑞明感情很好。

遗传自区妈妈好唱得

3人追溯爱唱歌原因，应是遗传自妈妈，区桂芬说：“细个喺屋企，妈妈最爱听粤曲，仲会边听边哼。”Albert自妈妈患脑退化才意识到她爱唱歌，“佢离世前1年，有次我车佢去饮茶，佢喺度唱歌，好好听但唔知咩歌，可惜当时冇录低。”不过真正启蒙他们就是长兄区瑞华，Albert说：“8兄弟姐妹中我排第5，大哥大我4年，佢中学开始钟意夹Band，我读小学就跟埋去，后尾攞埋佢支结他自学，有次佢去比赛个结他手唔得闲，仲叫埋我去帮手。”

区家有个传统，就是每年到影楼影全家福。（左一Albert、右前区桂芬、手抱BB区瑞明）

早已移民的长兄区瑞华（左二），返港探望弟妹。

区桂芬早在参加首届《城巿民歌创作比赛》演绎《问》夺冠前，长兄已帮她报名《星报》歌唱比赛，仲攞埋季军。至于区瑞明就笑言，负责帮大哥开骚做苦力，帮手推器材。Albert自爆区氏家族个个都唱得，“我两个仔唱歌好掂，又系冇人教，区桂芬同区瑞明个女唱歌都掂，仲有我哋细妹同佢个仔唱歌又好叻。”这样一讲即令Albert有召集家族开Show的新构思。

Albert谓细个唔知自己识唱歌，直到上音乐堂唱歌攞A。

区桂芬出道不久便退出，全因上台太大压力系咁震，“后来到音乐农庄做校长。”

区瑞明唔入行全因觉得自己属于幕后，“我喺Albert公司做幕后。”