黎瑞恩离婚10年罕谈前夫 陈友忽略太太致患癌努力补偿做好老公丨独家

陈友太太Pauline于2013年突然患上罕有骨癌差啲冇命，令一直忽略太太的陈友反省，自此不断做见证会，发觉变成音乐剧唱出嚟可以分享畀更多人，《娱乐圈夫人》就此诞生，更揾嚟黎瑞恩饰演陈太一角。离婚10年的小恩子坦言为老公可以无限付出，就算捐器官都冇问题，更有感而发表示男人只要肯改变，女人一定会原谅。采访：杜杜 摄影：罗安强 发型:Taylor Wan@Leonardo 3 Hair Corner(黎瑞恩) 化妆:Seven Lai(黎瑞恩) 场地:The Fullerton Ocean Park Hotel Hong Kong

黎瑞恩及陈友虽然首度合作，但访问时一唱一和好合拍。

黎瑞恩及陈友虽然首度合作，但访问时一唱一和好合拍。

黎瑞恩及陈友虽然首度合作，但访问时一唱一和好合拍。

72岁陈友自责一直忽略73岁太太Pauline，爆当年温拿经理人要求不公开已婚，“话最好就唔好啦！会见到佢㖞，不如佢今晚早啲返屋企瞓啦！𠮶个年代系咁，畀人知都唔好提。”他还鬼马即唱剧中歌曲交代，“你要识吓捞，你存在成个行业难捞，哈哈！”小恩子亦好明白，“以前娱乐圈唔可以透露你有男朋友或者老婆，比较秘密，会有偶包，𠵱家唔同晒，大家会接受。”

陈友很感恩Pauline奇蹟康复，两夫妻更加恩爱。

陈友很感恩Pauline奇蹟康复，两夫妻更加恩爱。

陈友很感恩Pauline奇蹟康复，两夫妻更加恩爱。

小恩子似梅艳芳够义气

陈友之后搞移民做太空人，太太独力在加拿大凑儿子陈良韦 ，之后他再到内地发展，他坦认多年来太太有老公等如冇老公，“揾钱系男人最好嘅借口，其实揾钱揾得其所，够就好啦，有时系想要唔系需要。”小恩子认为男人能全力发展事业，背后的贤内助功不可没，“男人要赚钱，女人帮唔到手喺后面打理晒啲嘢，其实都会好烦，乜嘢都要问咁点呀？有个妥贴嘅女人喺身边系好幸福。”

陈友很内疚，要太太独力凑大儿子。

陈友儿子陈良韦曾参选港男，现跟太太及一对子女在加拿大生活。

每年暑假一对孙会返港，陈友可以弄孙为乐。

每年暑假一对孙会返港，陈友可以弄孙为乐。

陈友越认识小恩子，越觉得她是绝世好老婆，“佢绝对系好好嘅女人，真系相夫教子，唔系有咁多女人做到㗎！”小恩子笑着多谢陈友，“多谢晒帮我卖广告！”陈友继续狂赞，“佢讲畀我听啲经历，点安排雪茄、翅、鲍鱼𠮶啲妥妥善善，真系做得好好，佢系就算另一半眼角膜有事，自己都会捐出畀对方𠮶种女人嚟。”小恩子觉得为老公，真系可以乜都肯，“如果我老公需要捐乜嘢，个肾、肝，我都一定会捐，做老婆应该系咁！”陈友认为小恩子够义气，不单对老公好，对朋友一样正，令他想起离世好友梅艳芳，“佢有阿梅𠮶种feel，为朋友多过为自己，大姐咁出嚟照顾晒身边嘅人。”

2002年小恩子下嫁富商曾宪梓儿子曾智明，2014年离婚。

黎瑞恩跟儿子曾浩儒及囡囡曾凯栭。

太太患骨癌企都企唔到

2013年Pauline患上罕有骨癌，企都企唔到，陈友才识得后悔，“𠮶时佢真系好痛，佢啲骨碎晒要揾机吊起先郁到，个脊椎都差啲座咗落嚟，啲神经压住晒，医生话畀我听，佢可能得返几个月命。”当时陈友用尽方法救爱妻不果，并非教徒的他唯有试埋祈祷，更承诺若太太好返会将经历分享畀更多人，结果翌日医生指有方法可医到太太，太太之后亦奇蹟好返，于是他不停周围做见证会分享，更促成这个音乐剧诞生，“成日喺教堂讲见证，不如改成音乐剧唱出嚟，所以一定要揾小恩子帮手，系佢先唱得到咁好。”

首次做音乐剧，加上要唱老歌，小恩子特别大压力。

陈友认为音乐剧最适合太太带埋老公入场睇。

小恩子出道时，陈友已在内地发展，处于不同界别所以并不认识，但小恩子收到前辈邀请好荣幸，再看音乐剧故事大纲已很喜欢，“我觉得唔单止讲娱乐圈，所有已婚女士，睇咗都会好有感触。”故事跟她某些经历很相似，“有好多部份都似我，例如先生成日唔喺香港去咗做嘢，同先生又好耐都冇见，好多嘢要自己一个去管理，小朋友或者生活上嘅嘢，同埋我都有唔舒服，但冇咁大镬啦！”

日前小恩子举行演唱会，女儿曾凯栭任表演嘉宾。

2017年，小恩子入医院切除腹部肿瘤。

陈友感恩太太完全康复

陈友感恩Pauline已康复，还爱上跳拉丁舞，而他为了补偿太太，近10年都陪在身边做好老公，“依家成日煮饭囉！哈哈！其实系补唔返，过去就过去咗，都系尽量做㗎啫，点解要演呢个剧？原来思想上转变，可以改变一生，希望呢个剧畀到启发大家。”小恩子认为男人肯改变，作为太太一定会原谅，“如果个男人咁样对返我好，之前𠮶啲都唔记得㗎嘞！”她又爆陈友夫妻相处劲sweet，“上次同佢哋食饭，我话畀佢太太听我演佢，佢好开心，佢望住陈友哥哥系好崇拜嘅眼神，好倾慕咁㗎！”

音乐剧《娱乐圈夫人》将于12月公演。