【黄庭桄专栏】１亿发达梦

今晚搅珠的六合彩，估计头奖若一注独得的话，可以得到1亿元！对！是普罗打工仔即使打足一世工，唔食唔玩唔使，都没有可能挣到的金钱。

同事们摩拳擦掌，嚷着要夹份买，发一个横财梦。“如果星期一中咗头奖，咁星期二咪集体辞职囉！”同事J打趣说。

“嗱！首先请将兴奋的心情Hold住，因为要睇有几多注中，多人中的话会被摊薄奖金，万一有十注中，头奖可能派1千万元咋！然后又要睇返你夹份个比例㖞，今次系集体投注，你要记住不是你一个人独得㖞！”

我看到同事J有如兜头淋了一盆冷水，但数还数，路还路，金额必须讲得清清楚楚。

“原来串匀十二个冧巴，要9240元，好贵㖞！”同事插嘴建议，不如改买5元一注，可以平一半。

“但如果真系中咗头奖，咁样就唔系收1亿元，只系收得一半咋！为咗悭4000几蚊，收少咗五千万元，你到时唔好抌心抌肺就得啦！”我晓以大义，要食大茶饭，视野必须要大格局，否则做人点会发大达？

我最记得在1997年，在马季最后一场赛事，三T有超过2亿元的彩金，我和几个朋友夹份，由我负责拣马，当挑选好各场的马匹后，投注金额约需1万多元，其中一个女性朋友嫌贵，说不如留返部分资金作下一次投注，“1万博2亿，值博㖞！”我心想，但亦尊重各股东意愿，就由那位女士删走一匹九十九倍的冷马，结果九只马我中了八只，就是只欠那只冷马，2亿元就此泡汤，我激气到今日呀！