专栏│伤得太多 科芬拿不止于此

韦斯利科芬拿喺22年夏天由李斯特城加盟车路士，用咗7000万英镑，但呢3季加埋只出咗27场，原因系经历不少伤患，膝头哥加ACL都试过，令到佢生涯嘅潜力大打折扣。

要知道伤咗呢两个位，必定唔多唔少会令球员速度上减慢，一般需要长时间先复原，Pick up返球员高强度嘅比赛状态，7场波科芬拿嘅表现可以话中规中矩，佢嘅出球能力依然系佢卖点，时不时会上前助攻，佢嘅控球能力经常帮助球队拉开阔度，亦十分有自信地去控制后场Build up。

但系科芬拿防守问题依然都系好严重，始终差唔多两季冇踢过波，再加上本身防守嘅位置感麻麻地，以往喺李斯特城经常都系用速度去补救，1对1能力唔够好依然都系问题，会成日去胡乱出脚，对森林同狼队都差啲出事，不过位置感系可以每日去磨练嘅，睇吓之后会进步几多。

科芬拿的确要俾多啲时间佢重新适应，希望佢可以用站位去弥补速度问题。Willhappy