专栏｜心狠手辣 马利斯卡有话直说

车路士领队马利斯卡行事作风由上任到现在都一样，出席记者会都可以用“爽手”形容，最近有记者问车路士成绩咁好，系咪已经接近到阿仙奴同曼城，而佢答无可能，车路士跟阿仙奴同曼城仲有一段距离。

佢就系一个非常之直率嘅领队，觉得系接受嘅就去接受，唔得嘅就完全拧晒头，一上任就已经话芝维尔唔适合呢队波，连杯仔欧协联都唔落佢个名，就知道佢对自己套战术有一份执着，唔要史达宁果断借去阿仙奴，可以见到佢真系好心狠手辣，对住边一个都无情讲。

而佢对每一个球员都好似教仔咁，好记得车路士有场对住韦斯咸，当时尼高拉斯积逊去紧逼抢，佢即刻嗌：“Back，Nico！”系几恶㗎，但又会之后赞返句“Well done”，睇嚟佢喺球队都有一定嘅威严。

讲到底都系因为成绩好咗，自然好多嘢望埋去都顺眼，Build Up又好睇咗，即管睇下马利斯卡可唔可以继续带领呢支球队成长。Willhappy