专栏│红魔表现持续低迷　维拉“主胜”博得过

英超第7轮，近况不俗的阿士东维拉主场迎战曼联。

主队阿士东维拉，今季双线作赛，联赛6战4胜1和1负，暂列第5。上场联赛虽然被叶士域治逼和2:2，但周中欧联面对德甲班霸拜仁慕尼黑，凭借门将达米安马天尼斯嘅扑救，加上后备入替嘅祖汉杜兰入球，为球队奠定胜局，全取3分。球队前线攻击点，奥尼屈坚斯、摩根罗渣士、杜兰等状态火热，今场至少坐和望赢。
曼联不稳难睇好

客队曼联又再一次令各位球迷失望，喺周四晚嘅欧霸赛事中，作客波图，喺领先两球之下，被对手狂轰3粒反超前。球赛尾段队长般奴费南迪斯更两黄一红被逐。幸好中坚哈利马古尼以头球扳平比分，保住和局。但红魔鬼嘅不稳定性，确实令大多数球迷都唔睇好，相信今场亦不例外。佩芝