王贤志投资7位数蚀住拍同志真人骚 首揭放弃TVB转投ViuTV播放之谜 丨独家

继2022年制作香港电视史上首个男男配对真人骚节目《仔仔一堂》后，王贤志（Vinci）投资几百万再制作《Boyscation Too》，播放平台由TVB转到ViuTV。Vinci讲得坦白，新合作关系好开心，可以话晒事，最开心可以圆梦，预咗蚀做都冇所谓。而他亲自拣选的参加者个个高质，最突破是成功从网上揾到来自广州的20岁美术系大学生。采访：杜杜 摄影：朱伟彦

Vinci花了大半年制作《Boyscation Too》，虽然大压力，“但我话事，好有满足感，大家钟意或欣赏系最大回报。”

Vinci花了大半年制作《Boyscation Too》，虽然大压力，“但我话事，好有满足感，大家钟意或欣赏系最大回报。”

Vinci花了大半年制作《Boyscation Too》，虽然大压力，“但我话事，好有满足感，大家钟意或欣赏系最大回报。”

Vinci表示《仔仔》反应不俗，将《Boys》转到ViuTV播是想开拓不同层面观众，“上次TVB播回响好好，但喺同一个地方再播同类型节目，都系𠮶班观众，feedback差唔多，不如喺ViuTV播。”最重要是Vinci想“集齐一套”，“喺呢个圈咁多年做过晒咁多传媒，亚视、有线、Now观星台，3间电台，系Viu未做过，如果Viu有自己节目又几好㖞！”

2022年《仔仔一堂》推出时，引起不少回响。

节目在峇里取景，参加者通过各项游戏进行配对。

节目中，参加者有不少亲密举动。

自己投资自由度更大

Vinci经熟人穿针引线跟ViuTV合作，今次由他全力投资，“系几百万以上，我哋budget好大，10个仔加我，再加梳头化妆，已经10几人，仲有幕后制作、写稿、导演、摄影师 ，成40几人去峇里，留咗6日，机票酒店仲有食，拍嘢又有好多开支，好似放场烟花，为咗节目好冇办法。”他坦言很喜欢这个合作模式，因为话事权多了，投入程度更大，“合作模式好特别，可以话电视史上未试过，上次系外判节目，资源系TVB，制作完几时出，最后delay咗1年先播亦唔到我决定，因为版权系佢。”但今次不同，作品属于Vinci，“Viu只系播放平台，海外平台都自己去倾，版权都系我嘅。”他认为这个模式有机会成为未来趋势，“外国好早已有，等如艺人唔系永远1间电视台，跟唔同电视台合作都得。”

每位参加者都由王贤志亲自邀请。

每位参加者都由王贤志亲自邀请。

Vinci提醒观众要珍惜这次机会，“搞一辑节目好难，要好多backup、资源，香港有几大，我揾一转起码100个人，有好多人推咗我。”他又坦认花7位数制作冇谂过回本，“就咁喺电视播唔会回到本，我唔系为赚钱，所以我系癫㗎，冇人会做件咁嘅事，我系攞嚟发梦㗎咋！”他认为卖埠回本的机会亦不高，“𠵱家个时势，点回本啫！吊高嚟卖又冇意思，希望多啲人欣赏到节目，多啲正面回应，希望个节目受欢迎，有啲后续，揾返少少帮补。”

四个参加者因拍摄节目变得老友鬼鬼。

四个参加者因拍摄节目变得老友鬼鬼。

网上揾到广州参加者

Vinci坚持制作这节目纯为圆梦，“30年前读完书返嚟入电视台，新人做起，好惊俾人知性取向影响工作，所有嘢好收埋，又唔钟意饮酒去蒲，点识人啫？！有好长时间冇拍拖，识嘅就系工作上嘅拍档，人哋未必系（基），𠮶时又好想喺工作上拼搏，去啲监制房揾机会，隔咗咁多年自己做监制，搞个男男配对节目，其实系冲破晒我以前好多枷锁。”他笑言一班参赛者超幸福，若然有机会他都想参加，“我好想做佢哋囉，抛个身出嚟玩，每日最佳状态出现，有人帮你搞晒所有嘢，约咁多咁优秀嘅人畀佢哋认识，每日除咗瞓觉食饭，就系媾仔，喺边度揾咁好，仲可能因为有知名度，会有其他机会。”

20岁Kurt在广州是大学美术系4年级学生，童年好钟意苗侨伟，目前男神是张敬轩。

Tyler承认医生身份难公开性取向，现从事医美自由度较大。

Stone是专业调香师，因为疫情跟同性伴侣分歧渐大而离婚，希望未来另一半跟家人关系好。

冻肉店店长Kendrick，因为父母离婚令他10岁开始跟同性拍拖。

Vinci今季继续亲自揾参加者，更由熟人开始，“碌电话嘅phone list，觉得OK就揾，大部份2字头，最后生20岁，我全部生得出有找！”最年轻的参加者是自广州的Kurt，在IG发掘，“佢都有10几万followers，好红，见佢啲相几靓仔几得意咪follow，直至见佢啲story喺香港。”Vinci想到可以邀请他参加节目，于是约了Kurt食饭，“佢唔识我，有上网查我系乜水，知道真系有王贤志呢个人，佢再嚟香港已经系同我哋去峇里，都几神奇。”

183cm的Tyler（右）最希望揾到让他小鸟依人对象。

想揾哥哥做对象的Kurt（左），跟26岁参加者Yiboh开心玩水。

Stone投入揽住其他参加者，希望透过节目跳出失婚伤痛。