罗家英指Edan惹女人赞公开追林明祯好聪明 黎燕珊首次凑孙好好玩鼓励囡囡再生B
罗家英、黎燕珊、张明敏及谢雪心等今日（2日）出席《庆祝中华人民共和国成立75周年国庆暨中国文化艺术传承协会 第一届董事就职典礼》，为该会担任顾问的罗家英，透露12月5日与50多位粤剧演员到马来西亚演出，当中大部份是八和会馆成员，亦有一位国宝级演员晓毅参与，不过太太汪明荃不会同行。
9月22日是罗家英的78岁生日，他笑言分开几次跟朋友庆祝，但太太没有送礼物。他笑说：“佢话恭喜你生日快乐咁样囉！几简单，但唔需要礼物，费事伤脑筋。”提到早前接受好友汪曼玲的YouTube访问，重提当年患癌经过，并透露当时进食价值6万几元补身药。他说：“食咗一次就冇，6万几元唔值囉！（可有保健方法？）我觉得心理，要开心唔好有压力！但系要工作，当完成工作好开心，虽然工作有压力，好似之前我写《大鼻子情圣》好辛苦，写完都病咗，𠮶种压力都好大。”
提到MIRROR成员吕爵安（Edan）公开承认力追大马女神林明祯，罗家英笑说：“我有同佢讲佢好惹女人。（男人呢？）都惹，佢唔钟意另一回事。”谈到Edan能否成功追求林明祯，家英哥笑说：“好难讲！（50％机会率？）四四、六六啦！（有冇请教你追女仔？）冇呀！我有叫佢小心，要揾一个啱自己嘅女仔。（Edan公开追求林明祯，有冇绝招教路？）咁样讲好呀！等第二个唔敢去追。（MIRROR队友笑他追唔到？）话追唔到，都要追，好似我追阿姐咁，要有耐性同显示长处同优点，同时要睇对方性格，有时唔好太迁就对方。”家英哥又大赞大马女生很纯品，亦会祝福Edan好运。
笑问阿姐够不够纯？家英哥笑说：“我驯服咗佢啫！”而担任活动司仪的黎燕珊，对于女儿刘咏诗（Wynce）早前诞下囡囡，首度荣升外婆的她，笑言送赠金链给孙女，就连女儿三十年前获亲友所送赠的吊坠也交给对方，又爆孙女好黐身，所以乳名叫“麦芽糖小公主”，英文名则为Eleana。谈到凑孙女可会觉得辛苦，她笑言30年后再经历凑小孩并不简单，女儿在家中坐月，加上陪月员并非24小时照顾，所以要帮忙，不过辛苦凑孙女也觉得很值得。谈到可会挂住凑孙女会少拍剧，她说：“唔会，我凑完啦！回复单身。（觉得凑孙女如何？）我觉得自己有95分，我真系钟意小朋友，有鼓励囡囡再生，叫佢醒目啲一次过，我唔知5年后有冇体力照顾，觉得女儿生多个小孩可以做个伴。（可想囝囝快生B？）佢依家26岁，男仔要事业为重。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
