【曾智华专栏】抌心抌肺练马师

马圈，一如商业世界中的任何圈，竞争激烈（惨烈）外，更有一个现象，是撬人才。

即A公司为增强实力，最易又最快的方法，是从敌对公司之中撬人，一方面增强自己实力，另一方面搞弱对方，一来一回，增加极大优势。

马圈世界有两个范围经常出现心狠手辣的撬，分别为骑师与练马师撬马。

昔日最犀利又唔怕面懵为韦达，点解佢能做足13届冠军骑师？当然因为骑功超群，另一其他骑师有所不及的，为相马眼光劲，一发现有好马潜质未尽露，立即去电马主及练马师，大力撬，凭三寸不烂之舌及诚意，苦苦恳求对方比佢一试。老老实实，你系马主或练马师点反应？堂堂冠军骑师话可以替你未W的马W到，怎可能推！

就此撬吓一只，撬吓又一只，就扫下13届冠军了。

至于练马师，撬马的唔系冇，但冇韦达及潘顿一类人马咁密集。

其实马匹转仓乃等闲之事，A仓唔得，试试B仓倒也合理。但对练马师嚟讲，畀人拉马虽然冇瘾，但亦不会太心痛。不过，若拉着你只镇仓宝，咁就真系攞大命，冇面兼失去百万元计奖金。

今季最抌心练马师必为黎昭升，辛辛苦苦引入咗匹犀利短途货色“魔术控制”，点知错误安排第一场唔跑较易的沙田直路，而走去跑急弯的快活谷，结果钉钉，即被拉到巫伟杰马房。冇乜点大做功夫，只报直路一千，立即按缰赢马。若你系黎超升，会否呕血？

今日第七场三班千二米，罗富全出镇仓宝“天天同乐”，上次行返嚟赢被加十二分，肯定大赛棋子。如此布局，罗厩岂会只W一只吖，除“美神来”外，只只投一票过关啦。