苑琼丹荣升“香港女科学家协会”副会长 结婚20周年快乐不知时日过

一向谂头多多嘅苑仔（苑琼丹），计早前被获封公主名衔，呢日又有新嘅“身分”，荣升“香港女科学家协会”副会长，日前喺会议展览中心举行揭幕典礼。 苑仔就话自己一直研究新科技，仲话自己层次“升级”：“由细到大都冇谂过自己同科学家沾上关系，由‘师傅’带我接触科学，发现呢啲嘢唔系高高在上，唔系遥不可及嘅！接触科学之后令自己大开眼界，想透过科学健康咁‘活多几年’。 ” 

苑仔对科研感兴趣。

苑琼丹荣升“香港女科学家协会”副会长。

香港女科学家协会举行开幕式暨就职典礼。

好友林子聪都到场庆贺。

早前苑仔趁休息通经络，手臂有明显瘀痕。

交游广阔嘅苑仔荣升副会长，好友林子聪都到场庆贺，仲满场飞四围送礼犹如“男主人”：“近日香港嘅腐乳令到香港好失望，香港人好似冇咗手信，𠵱家我地努力不懈，研发令到佢无菌，我地会搞呢啲研究。善用科学改善生活，搞到𠵱家头发都多咗，可以供献比社会。”林子聪亦附和支持，笑指二人“倾倾吓”就落实研究：“其实所有科学都系由发梦开始，只有创新先系科技，同我地拍戏都系一样。”苑仔讲笑话林子聪揾自己做女主角，搞到票房唔收得，自己“𠱁掂”林子聪做直播齐齐揾真银！  

苑琼丹和老公黄乃掦结婚20周年仍然恩爱。

年轻时嘅苑仔眉清目秀。

苑琼丹(前)跟周星驰合作电影《唐伯虎点秋香》，演石榴一角闯出名堂。

电影《九品芝麻官》剧照。

2019年的《街坊财爷》金牙娇是苑琼丹在TVB的最后剧作。

苑琼丹享受做直播带货，可以做女主角好有满足感。

苑琼丹被册封为苑公主。

苑仔对护发都好有心得。

刚刚渡过生日及结婚周年纪念，不过苑琼丹就忙到“冇时间”庆祝，趁返香港同“玻璃大王”富商老公黄乃扬“补祝”：“𠵱家几十岁唔使庆祝，最紧要家和万事兴、身体健康！我都唔知结婚20周年，真系快乐不知时日过，证明我婚姻生活系美满嘅。” 苑仔忙于做生意和直播，挨到周身伤，早前趁休息去通经络，手臂有明显瘀痕，佢就搞笑话无被老公“家暴”，如果真系有时会直播同大家求救！