66岁廖伟雄酷热街边拍广告湿晒仲识笑 从商34年身家过亿悭家冇助手自己推箧丨独家

66岁的廖伟雄(灿神)自1990年开始弃演从商，移居内地开“灿神龙场”搞有机种植及有机肥鸡，“阿灿米”成为全国十大品牌，近年在马拉卖埋有机榴莲，做农夫种咗过亿身家，每个零都有血有汗。虽然大把钱，但灿神冇话“印印脚”叹世界，仍然落手落脚做。日前下午佢就现身西贡拍广告，33度高温，加上一滴风都冇，冇助手嘅灿神自己推住箧，跟住工作人员四围行取景拍摄，粉蓝色恤衫湿到变深蓝，但灿神仲笑笑口，拍摄时手部动作劲多，好似睇紧流动版金句meme图，劲过瘾。采访:廖思慧
 

灿神同妙龄少女先在天后庙前拍摄。

灿神同妙龄少女先在天后庙前拍摄。

灿神的儿子于2016年结婚，一家四口合照，新抱好靓㖞。

“阿灿米”连续多年获得北京中绿华夏、日本JONA和ECOCERT SA欧盟有机认证，亦得到《金奖大米》的奖项。

灿神在广州兴建“灿神龙场”开拓有机种植，农场亦自设水道，以天然瀑布灌溉蔬果。

有“榴莲医生”之称的灿神在马拉发展有机榴莲种植。

灿神推出的灿榴莲。

廖伟雄在《网中人》饰演大陆新移民“程灿”红遍华人地区，“阿灿”个名叫足45年。虽然弃视从商34年，但因为2007年拍过一辑《向世界出发》，节目中对香港现况有大量一针见血的金句，被网民封为“灿神”，有关meme图连登仔仲用紧。

《福禄寿训练学院》月前向灿神送上“荣誉博士”荣衔，后者攞奖仲扮喊，好玩嘢。

当年《笑声救地球》的乜太超受欢迎

灿神MEME图

灿神MEME图

灿神MEME图

灿神MEME图

冇助手自己顾自己
当日下午1时，发现灿神同妙龄少女在天后庙前拍摄，见前者手指指，讲解中秋节，又提到叉烧月饼，只用手提电话拍摄的摄影师拍咗两个Take就转场。团队计埋灿神有5个人，一个导演一个摄影师加两个工作人员包括妙龄少女，个个自己顾自己，冇助手嘅灿神自己推住手提行李箧行足成条街，期间仲要喺行驶中嘅车附近穿过，一行人去到海傍附近继续拍摄，发现灿神成个背脊已经湿晒。

两人在天后庙前拍摄唔太耐

灿神讲解中秋节，又提到叉烧月饼

条路唔平又晒仲要喺行驶中嘅车边穿插，点解唔请个助手呀？

条路唔平又晒仲要喺行驶中嘅车边穿插，点解唔请个助手呀？

街坊行过见到灿神都有停低望吓佢

热到癫揭高衫抹汗
一转场即开始拍摄，见灿神多咗手部动作，又手指指又张开手，好似睇紧流动版meme图，据知灿神拍紧月饼广告，属本地品牌但在内地销售，睇摄影师长期Keep住直度拍摄，估计有关片段应该放在社交平台播放。灿神拍摄好流畅冇乜NG，见佢对住镜头不断讲讲讲，讲足15分钟就休息吓，再拎条毛巾仔塞入衫中间抹汗，唔觉意令白到反光的肚腩仔曝光。之后有游客上前求合照，灿神冇Say No，影完仲笑笑口行埋一边点支烟叉吓电。

广告制作非常小型，全程只用手提电话拍摄

灿神喺海鲜街前拍广告，全程劲多手部动作，好似睇紧流动版meme图。

灿神喺海鲜街前拍广告，全程劲多手部动作，好似睇紧流动版meme图。

因为滴晒汗，灿神忍唔住揭高件衫抹汗，66岁嚟讲，肚腩唔算大。

件恤衫湿晒

有个Break，灿神行埋一边叉吓电，睇佢几好笑容。

除咗晒仲要冇风，灿神个背脊湿晒。

除咗晒仲要冇风，灿神个背脊湿晒。

游客一眼就认到灿神，企埋一边等，一见拍完即上前求合照。