黎彼得话星爷唔系好人 笑李龙基:唔屙尿照下个样 收埋大量圈中秘料 做YouTuber爆晒出嚟丨独家

入行半世纪，74岁的黎彼得(Peter哥) 收埋唔少圈中秘史，远古有闺密刘嘉玲、曾华倩、梅艳芳，近至富商马清扬与港姐林钰洧“行埋”都知。Peter哥逢星期四晚有个网上节目《玖噏秘笈》，以嬉笑怒骂形式大爆跟圈中巨星的有趣相处点滴，有张曼玉、吴君如，古天乐，甚至近期“新闻王”周星驰亦有提及。访问期间提到李龙基，Peter哥爆Seed叫对方屙笃尿照下个样，更笑他不自量力，非常抢口。采访：方骞平 摄影：谭志光

黎彼得圈中有好多知心友，收埋海量八卦资讯。

黎彼得系娱乐圈收料王。

Peter哥收埋唔少圈中秘史。

过去Peter哥有大把靓女埋身。

黎彼得坚守要谨言慎行，衰一样艺术生命就会冇。

《玖噏秘笈》由黎彼得自编自导自演，每集有不同主题，如“出轨”、“忘年恋”、“名人饭局”及“粗口文化”等，如同一本论尽五台山风云的有声书。Peter哥透露黄霑生前曾揾他出书，因为唔想变金科玉律，又怕跟被爆主角撞口撞面时面懵懵：“做呢个节目好处可以随时执生，唔会写死人。”

Peter哥自编自导自演嘅网上节目《玖噏秘笈》，短短两个月订阅人数已逾70万。

《玖噏秘笈》大受欢迎，每集有不同话题。

《玖噏秘笈》逢星期四晚九点半，喺环星娱乐YouTube频道推出。

基哥不自量力攞嚟衰

提到忘年恋KOL李龙基，Peter哥一啲都唔可怜佢更忍唔住取笑：“应该整套《搭错车》畀佢喊下。佢呢啲系自作孽，识件咁嘅嘢(王青霞)Day 1经已制造悲剧。”他狠狠叫基哥屙笃尿照下个样：“佢凭乜执件‘丁娘十索’？”语毕还认真分析：“王青霞仲未收经，中年妇人正常‘大食’，喂佢唔饱咪收你档囉。”他更嘲基哥：“唔通佢一日7次咩？夜尿就有，7日都冇一次啦！做人enjoy得嚟都要有本钱及能力，不自量力攞嚟衰，人贵自知。”Peter哥又睇唔过眼“两公婆”大话冚大话，乱七八糟：“我哋唔同类型，对唔到嘴型，自己洁身自爱，做咗几十年冇被投诉‘咸猪手’、抽水、欠债等，呢行传得太快，要谨言慎行，衰一样艺术生命就会冇。”Peter哥强调自己冇一夜情，还奸笑说：“好多人有，但又如何？好似‘安心事件’咁，你(记者)可以访问下我契仔黄宗泽有几多个呀？哈…嗱讲明我冇爆料呀，我知晒佢啲嘢咋。”

Peter哥嘲笑73岁李龙基：唔疴尿照下个样。

Peter指，应该整套《搭错车》畀李龙基喊下。

Peter哥笑73岁李龙基不自量力攞嚟衰。

Peter哥睇唔过眼“两公婆”大话冚大话，乱七八糟。

王青霞大话连篇。

契仔黄宗泽不为人知嘅秘密，Peter哥最清楚。

黎彼得笑言知晒黄宗泽啲嘢。

被张曼玉面责系贱人

Peter哥自言系“绝缘体”，刘嘉玲、吴君如、曾华倩“小花”年代，倾完心事见眼瞓，close到喺佢屋企瞓：“我屋企得一间房，大家会瞓喺好似㓥房咁狭小嘅空间；当年吴君如为逃避‘翁美玲事件’嚟住咗一星期，但我冇攞着数心态，身边真系太多靓女，虽然我冇钱但有才华，你吹得我胀呀？”他甚至炫耀名字有个凤字的型女影后跟男友分手后，执埋行李三更半夜去佢屋企过夜：“我冇‘食’到，邓光荣收到风，第2日打嚟寸我‘㖊晚嘥咗料㖞！’哈…又系嘅。”除此之外，Peter哥拍戏时试过喺关之琳心口写字；跟张曼玉亦有段故事：“当年我约佢饮咖啡揾佢拍戏，岂料佢听到啲是非，好嬲咁面责我‘你个人咁贱喺电台唱我…’幸而最后都和解，后来合作拍《富贵吉祥》，曼玉唔介意俾我揸patpat，仲话‘大家都咁熟’”讲到粗口文化，他听闻有导演(已离职)曾开咪用粗口闹初出道的佘诗曼：“你唔带剧本，只系带个X返工。系好侮辱，我哋见怪不怪。”

刘嘉玲、吴君如“小花年代”，跟Peter哥系朝夕相见的闺密。

黎彼得跟“小花”年代刘嘉玲、曾华倩、吴君如好老友。

Peter哥曾喺“大美人”关之琳胸前写字。

电影《富贵吉祥》由张曼玉、林子祥及张学友主演。

张曼玉拍《富贵吉祥》时好年青。

80年代当红女星王小凤有惹火身材。

王小凤系最美鬼后。

1998年初出道嘅佘诗曼拍剧集《生命有TAKE 2》。

1998年4月佘诗曼拍《生命有TAKE2》饰演郭耀明的老婆。

𠵱家佘诗曼三度封视后破晒纪录。

古仔拍剧冇影靠剪接

谈及名人饭局话题，Peter哥同周星驰拍过《唐伯虎点秋香》、《破坏之王》、《武状元苏乞儿》等戏，亦多次跟吴孟达同枱食饭，他称跟星爷从来冇偈倾：“同枱食饭各自修行，而且次次由达哥埋单…佢好cool、好mean睇唔起人，绝唔系好人，我唔睬佢，唔当佢系周星驰，所以佢唔敢对我憞起个款，只系无视我。”Peter哥坦言跟星爷冇可能再合作，“我都几十岁，佢有乜畀我做呀？”另外，Peter哥同样跟古天乐冇两句：“当年拍TVB剧《寻秦记》时，古仔系当红小生亦冇架子，但唔知点解大家冇乜话题。”他又爆返工经常唔见古仔：“剧组会话：‘跳拍古仔，佢有病今日唔出现’，即使同佢有对手戏都各有各拍，咁佢有医生纸，唯有跳拍佢啲戏再剪返去。”

Peter哥同星爷唔friend，出席《破坏之王》活动隔住钟丽缇及吴孟达合照。

《破坏之王》除星爷、达哥、钟丽缇外，仲有古巨基及王一飞。

跟星爷合作拍《破坏之王》。

Peter哥跟吴孟达、周星驰食饭，次次由达哥找数。

黎彼得跟吴孟达、周星驰拍《武状元苏乞儿》。

24年前拍摄《寻秦记》，Pete哥笑言，“古仔借埋太阳灯畀林峯照，两人斗晒，晒完条命好晒。”

当年古天乐拍《寻秦记》时，常因病要跳拍。

小生古天乐、林峯斗晒变黑。

Peter哥终于Cut咗经已长大成人，现年30多岁儿子张附属咭。

黎彼得与黄霑、卢国沾、郑国江、顾嘉煇同属香港第一代顶级创作人，霑叔曾邀黎彼得写书。

黎彼得、黄子华曾经老友过。

张国荣成名作《Monica》由黎彼得填词。

黎彼得同许冠杰有过唔会公开嘅恩怨情仇。

黎彼得离巢前曾跟刘丹、罗乐林等拍《爱．回家之开心速递》。

黎彼得、何守信曾演出电视剧《毕打自己人》。