吴若希爆老公殷勤接送女员工 贴文公审：趷起条尾就知你做咩啦
吴若希（Jinny）与老公何兆鸿（Alex）在2017年结婚，育有一仔一女，Jinny 近年经常在社交平台公审老公，今日（9日) 她再次发文公审老公，直斥老公为女员工管接管送，还cap图公开两公婆的火爆对话。
相关阅读：吴若希32岁生日晒Hermès限量版手袋！与天王同款至少值30万 曾只爱背囊变富贵
吴若希又发文公审老公：
吴若希与老公的对话包含粗口，她嬲爆向老公表示：“好L Sweet呀，仲可以同人一齐搭地铁返工！”老公即解释只是要对方签MPF，吴若希寸爆回复：“真系好大嘅原因呀，叫佢签MPF，就要车人返工，又要陪人搭地铁，好XSweet呀，你唔好俾人影X到呀！”老公Alex 反驳谓：“其实我真系已经好多嘢烦，我唔明点解我咁样我都要比（被）人闹，我唔同你讲闹我都正常，我真系做嘢，我之前几年做垃圾做唔到嘢又闹，我而家做正经嘢都闹！”吴若希续问：“做嘢又要俾我闹？你做啲咩俾我闹？”
吴若希公开闹爆老公截图交代来龙去脉
吴若希公开截图后，再交代事件的来龙去脉，并发表感受表示：“其实呢，女人呢系好敏感嘅，你趷起条尾，都已经知你会做咩㗎！今朝何生好积极咁话要车同事返工，俾我话完之后，好有骨气地讲，连车都唔揸自己搭地铁！我又唔知点解，突然间觉得佢应该系搭地铁揾佢公司同事，我Chok完佢第一句，佢又真系答我系Wor！即系我自己都有公司，都有帮人哋供MPF，我而家先知原来MPF需要老板亲自攞文件俾员工签！男人呢，就好得意嘅，身有屎𠮶阵呢，就会话自己已经好多嘢烦，怪番女人唔体谅佢！”
吴若希再以黑底白字向老公作出警告
未经，怒火中烧的吴若希再以黑底白字向老公作出警告：“作为太太，要提就提咗GA LA，佢选择尊重你，定系选择无视你，系佢嘅决定。有啲人会忍，有啲人会嘈，我呢，同呢个人相处咗八年，太清楚佢咁嘅回答系代表咩！所以呢讲埋今次，之后大家喺条街度见到佢同第二条女一齐，唔好大惊小怪，因为佢都系做嘢嘅啫！”
吴若希婚后变濶太钟意Hermès：
嬲爆的吴若希继续连环出post ，她表示上完跳舞堂收到好多安慰和支持的讯息，并谓要好好增值自己去准备独力养起头家：“放心，我真系冇嬲～与其花时间喺呢啲位，我会选择好好增值自己！做好一对仔女嘅榜样。TOUCH WOOD 真系要成就人哋一对眷侣嘅话，我起码有能力养起一头家毕竟最爱既都系一对仔女。”未几，吴若希贴出一名MPF经纪的卡片并表示：“介绍返呢位经理级，亲力亲为，唔需要客户走来走去。我都深信佢，唔会要求个老板特登走去个女员工屋企楼下叫佢签名，再陪佢一齐搭地铁返公司。”
吴若希直接揾负责的MPF经纪对话：
原来火爆的吴若希直接揾负责老公Alex 公司的MPF 经纪，贴出与经纪的对话：“Alex 公司个MPF 关唔关你事？ 想八卦吓而家咩情况？系咪需要 Alex亲自走去揾个员工签返名，今日之内要俾你？”MPF 经纪即澄清没有这回事：“唔系呀 ，我同佢沟通咗 ，我听日下午会去葵涌公司揾佢员工签名呀！”吴若希回复谓：“？但系佢今朝已经去咗佢员工屋企揾佢签名㖞，因为佢话要赶做银行嘢。”吴若希更大爆该名女同事的居住地区并寸爆表示：“头先谂谂吓，唔应该误会人哋个AGENT，可能人哋个AGENT已好努力 。BTW，大家都唔好误会何生，佢女同事喺启德，我哋住喺何文田，又真系好近嘅～何生呢种反向思维，好忙但系唔想麻烦到个AGENT，要亲自去揾女同事，而唔系直接返公司等女同事返工，都情有可原嘅。”
吴若希曾解释“公审”老公原因
吴若希早年曾在节目解释在网上“公审”老公的原因，吴若希表示：“我会将好多人摆喺心里面唔敢讲嘅嘢，全部讲晒出嚟。好多人觉得家丑不可外扬，但我唔系，唔啱嘅嘢我讲咗好多次，而你都系唔听嘅时候，我教唔到，咁就由出面嘅人教你，我系咁嘅心态。”
其他文章：
吴若希囡囡正面激罕曝光！眼大大似妈咪被赞靓女 曾为保护爱女样貌闹爆网民
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
