刘威煌孖谭辉智 颜米羔等搞首队中年男团狂揾钱 《好声音》之友钟意饮咸柠七咸出真友谊丨独家

《中年好声音》系列叫好叫座，带挈“中一生”及“中二生”系咁接Job，更衍生首队男团“轻松啲”(HZD)合体揾商机。“轻松啲”由“中二生”刘威煌、谭辉智、颜米羔、梁浩贤、甘永杰、梁思杰、潘文龙及王嘉明组成，“队长”刘威煌透露，中佬8子除每周做直播外，未来还打算搞旅行团、饮食博览等，发展空间非常大，总之人人有工开，梁浩贤更笑言既然温拿告别，就由他们来接棒。采访：方骞平 摄影：朱伟彦 场地：Midtown

“轻松啲”(HZD)由“中二生”谭辉智(左起)、潘文龙、梁浩贤、甘永杰、梁思杰、王嘉明、颜米羔及刘威煌(中)8子组成。

“松啲7友”笑住“指责”谭辉智自私食车仔面。

“轻松啲”(HZD)8子钟意饮咸柠七咸出真友谊。

梁浩贤(左起)、谭辉智、刘威煌、颜米羔、王嘉明系志同道合好兄弟。

潘文龙(左起)、梁思杰、甘永杰较低调。

谭辉智买得一碗车仔面“自队”。

连续4年举行个唱的刘威煌，8月10至11日再开Show，主题为“Reunite（重聚）”，成为演唱会最终章，威煌解释筹备一个Show太辛苦，之后要停一段时间才再做：“𠵱家我多咗一班志同道合嘅兄弟一齐玩，发展更多。”

今次威煌演出主题为“Reunite（重聚）”。

刘威煌连续4年举行个唱。

刘威煌将于8月10至11日再开Show。

刘威煌有一班铁粉。

以辉智为首接温拿棒

问到“松啲7友”如何瞓身力撑威煌？辉智二话不说提出要除衫助庆：“畀唔畀除衫呀？”米羔要求帮手卖嘢吸粉；王嘉明建议去尽啲饮滚油…当大家开始你一句我一句时，威煌表明已有构思，却未知能否实现到，但肯定唔会要班兄弟上台斋唱“消费”佢哋。笑问系咪会劲歌热舞硬撼MIRROR？米羔即耍手拧头：“我哋只得8个人点都唔够照㖞，佢哋有12子劲咁多。”唔声唔声嘅梁浩贤突然弹出：“其实我哋想组男团好耐，我哋年代系睇温拿乐队，既然佢哋开终极告别骚，咁交畀我哋去接棒，我哋呢度都有貌似陈友嘅甘永杰，大家一齐学习及发挥温拿精神。”语毕，队友即推举谭辉智做“谭校长”；钟镇涛系“光头仔”王嘉明，因为他跟阿B系多年老友。

“轻松啲”之前做谭辉智个唱嘉宾。

逢星期四22:22会合体做直播节目。

“轻松啲”节目每周4晚带出欢乐。

“轻松啲”兄弟撑谭辉智开骚。

兄弟准备上台演出。

兄弟常相聚。

走埋会吹啲无聊又冇乜“营养嘅嘢”。

刘威煌(右起)、颜米羔、梁浩贤好老友。

谭辉智、颜米羔表情趣怪。

松啲们无分彼此。

刘威煌、梁浩贤、谭辉智床照。

王嘉明和温拿成员好老友。

王嘉明认识钟镇涛多年。

拉姑爱屋及乌畀意见

原来男团“轻松啲”喺冇心插柳，忽发奇想下誔生。谭辉智爆出因为8子口味相近，都钟意饮咸柠七，大家由爱咸开始展开友谊！“队长”称一班人聚埋系讲缘份，由最初只得他和颜米羔、梁浩贤、梁思杰、王嘉明好啱倾，之后愈来愈多成员加入。大家每周会“吹鸡”食饭饮嘢，期间会吹啲无聊又冇乜“营养嘅嘢”，但又几好笑，后来索性由龙导(潘文龙)改团名进军网上直播，主旨系抛开烦恼，每周4晚带出欢乐，陪大家两小时。米羔补充：“我哋就好似做《EYT》咁。”“队长”说：“我哋除唱歌，仲会跟网民有互动，坐低讲吓啲唔同话题，另外，轮住拍片分享22分钟生活日常，好似梁思杰直播煎㶶边流心蛋及煮公翅(公仔面加碗仔翅)咁同样受欢迎。”他还透露“轻松啲”有无限可能：“演唱会以外，可以搞旅行团、饮食博览、短视频、甚至接广告等。”他更感激最爱辉智嘅拉姑爱屋及乌：“佢会追睇直播，仲会mark低啲point畀意见，如提醒我哋讲嘢唔好咁胡闹，节目中阳气太重，要请返啲女嘉宾中和吓，除此之外会分享圈中多年心得，最紧要唔好太自我，喺啱嘅时间做啱嘅嘢。”

拉姑爱屋及乌锡埋“轻松啲”其他成员。

谭辉智唔敢做拉姑契仔。

辉智去首映捧谢霆锋场。

梁思杰直播煎㶶边流心蛋及煮公翅(公仔面加碗仔翅)。

条片好爆。

谭辉智、颜米羔及刘威煌用“轻松啲”角度出发拍书包广告。

唔会由利益角度出发

提到成员知名度不一，“队长”唔担心被谭辉智抢晒FO：“我哋行单时就各自努力，合体时系一Group人，大家一条心，有自己嘢做就去做，合作模式好轻松舒服，而且我哋都唔系细路仔啦，大家出席首映礼会好有队形，反而会互推企C位，唔会由利益角度出发。”米羔附和，表示几十岁人乜都试过，唔会计较；梁浩贤强调8人唔分高低；甘永杰说要分工合作；王嘉明声称冇怨言，自己出道最早“目标”最大；辉智听完大笑说：“其实我系黐佢哋，有得玩就玩！”

关嘉敏演活谭辉智成为热话。

梁浩贤曾任2001港姐准决赛表演嘉宾，跟陈霁平表演歌舞。

谭辉智(左起)、梁浩贤、刘威煌摊喺梳化等直播，网民指辉智连脚趾都识做戏。

颜米羔系型男。

米羔有表演天份。

男团“轻松啲”带出欢乐。

王嘉明系昔日麦嘉嘅光头仔。

王嘉明曾做歌星。

梁浩贤由《新秀歌唱大赛》出身。

刘威煌、颜米羔、谭辉智互不计较。 ​