欧锦棠爆咸猪手男星偷睇裙底！曾称想撕丰满女同事件衫 有人开工听呻吟声录音带
61岁欧锦棠曾先后效力亚视及TVB，近年他仍有拍摄剧集，早前曾参演ViuTV剧集《打天下2》，亦有经营YouTube频道“乜乜棠水舖”。欧锦棠不时于频道爆娱圈秘闻，日前他上载影片“娱乐圈真系有好多咸猪手？分享真实两大经历！”，大爆多位好色男星的事迹。
相关阅读：前TVB小生大爆娱圈秘闻！落选佳丽变饭局搞手为花旦定银码 自爆曾被男星邀做牛郎
欧锦棠大爆好色男星事迹？
欧锦棠在片中分享，有位已淡出娱圈的男星出名是“咸猪手”，他表示90年代拍过电影的电视艺人曾在拍戏时向女对手“抽水”，欧锦棠提供线索指：“男士喺外国有啲学术成就，喺演戏学术中得到某个名衔，博士级咁厉害。但说返呢行，演戏有博士级嘅，我话畀你听，都系假嘅。”由于女演员作出投诉，有指事件被闹大，欧锦棠说：“冇告嘅，咁佢喺演戏上都冇突出表现，于是好快都淡出咗。”
男星以变魔术为名非礼
欧锦棠更指曾有位男星借变魔术为名，借机触碰女同事重要部位：“曾经有个女同事同我讲，佢乖乖女嚟，样子好甜美。佢有一次同我讲，呢个魔术男同佢变魔术。佢话系剪纸，一张纸，唔知点剪，‘一张纸嘅范围，你信不信可以穿过你’。穿嘅时候帮佢（女星）顺便搜身，碰到重要部位。”欧锦棠更指另一位女星透露曾被这位男星死缠，曾被对方邀约喝酒，然而男星遭拒绝后，竟再要求上该独居女星香闺，半夜三更聚会。欧锦棠再分享这位男星好色事迹：“喺公司见到女同事喺服装间换衫，个女同事身材几突出，他就话‘你唔知道我想做咩，我想撕开你件衫’。呢件事我话畀你听，系可以告佢，完全系一个骚扰行为。”最终这位男星亦淡出娱圈。
相关阅读：欧锦棠爆拍TVB处境剧最好赚！月入最少XX万 效力亚视曾做到爆Show赚多近5百万
北上发展男星曾连累剧组
欧锦棠又分享，有位早年已北上发展的男星，曾被拍到公然非礼一名女演员被斥责，但其实这位男星早有前科，欧锦棠表示：“曾几何时喺内地，传闻当然得唔到证实。都系因为桃色关系之类，令件事都几严重，成队人……成队拍摄队都被围殴，有咁嘅风波。”
欧锦棠谈拍剧险死往事？
男星被女星屈非礼
不过亦有些男星因对手女星过于敏感，而闹出非礼疑云，欧锦棠指曾有位女星多次向外界投诉不同的男演员轻薄或非礼她，偏偏有一位常演不讨好角色的男演员，被这位女星投诉非礼，最后这位男星气得要求女方报警，“若干年之后，呢个女演员据说有为呢个男演员平反，话当年系一个误会。”
相关阅读：欧锦棠忆拍《烈火雄心II》与元华险冇命：成个身出晒烟咁大火
男星见女星性感打扮双眼发光
欧锦棠亦分享其他好色男星事迹，他曾在友人口中得知一位男星见到女士打扮性感一点便会很兴奋：“有时候女仔有啲戏会着豪门晚宴，穿露背𠮶啲晚装。行过去嘅时候，唔系夸张……佢真系咁‘哇’，佢真系笑，睁大眼发光咁望。”欧锦棠更指这位男星曾在没有他戏份的场口出现，只为蹲在台边看扮演夜总会小姐的女演员走光：“讲真，第一，唔会畀你走光。第二，每个女仔都会打底。”但这位好色男星即使明知只会看到女演员的打底裤，仍蹲在旁观看，并指：“都好，总好过冇。”欧锦棠表示：“都要睇，咸囉个人……啲女演员直情话‘乜乜叔你唔好咁啦’，跟住佢就话‘我坐喺𠮶度睇，你哋跳得好唔好呀’，咁话真正佢郁手郁脚呢，唔系冇，但少。都系行过来话‘今天好靓’摸一下手臂，唔敢太过分。啲女演员成日都话‘行过又畀佢搜身喇’，但唔敢过分摸啲好敏感嘅地方。”
男星外景现场听呻吟声卡式带
而另一位男星曾于外景拍摄现场，在车上休息时，边听卡式带，欧锦棠表示：“佢听嘅系呻吟声、叫床声。当时庙街都有翻版，叫床声嘅呻吟带，有呢啲产品。”欧锦棠直指对方似神经病，“你听嘢就听，无缘无故返工时间，你听呢啲嘢做咩。”另一位前辈级男星曾分享，被这位男星提出离谱要求，欧锦棠说：“佢同呢个前辈级演员讲，‘我屋企有个女佣，佢好正，可以搞嘅，同你搞得嘅’。𠮶个前辈话咁犀利？佢问‘你嚟唔嚟搞呀’，个前辈当然冇去，但就玩佢，‘系咪真系搞得先、点搞先’。佢话‘有两个条件，第一，一定要喺我屋企搞。第二，我要喺度睇’。变态，当然唔成事。”欧锦棠指前辈级演员都惊讶这位男星如此好色。
其他文章：
【黄树棠设灵】欧锦棠赞棠哥认真演出 曾客串一场武指令全场拍掌
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
