【星爺講波 03】英格蘭明亮相可排強陣 謀快刀殺塞軍措手不及

重點推介：塞爾維亞Vs英格蘭：加東時間周日(16日)下午3:00

2024歐洲國家盃踏入第三日，照樣打足三場，兩支奪標熱門荷蘭和英格蘭分途亮相，飲英國波奶水大嘅星爺，當然將注意力集喺塞爾維亞對英格蘭的比賽。

人腳方面，歐洲新勢力塞爾維亞前鋒線有阿歷山大米祖域（上圖)呢位高效射手，還有杜辛華荷域同盧卡祖域；中場方面有米連高域沙域同盧基治等實力派球員，而後防線由尼古拉米連高域同維爾高域鎮守。至於英格蘭，前鋒哈利卡尼（下圖）無疑係隊內核心，仲有布卡約沙卡同fit到漏油嘅科頓等一班年輕有活力嘅進攻球員；後防線有史東斯同捷比亞坐鎮，中場有迪格蘭賴斯同喺皇馬踢到識飛嘅比寧咸，三線實力明顯勝塞軍一籌。

踢法方面，塞爾維亞應該會選擇穩守反擊嘅策略，以佢哋嘅快速反擊尋求破門機會。至於英格蘭，佢哋一向都係主打控球同高位壓迫，預計會以攻代守，力求早段打開紀錄，立於不敗之地。

對賽往績方面，兩隊歷史上喺大賽上碰頭唔多。過往的友誼賽紀錄要追溯到2003年，英格蘭當時在主場以2-1小勝塞爾維亞。喺歐國盃中，呢場比賽將會係兩隊首次對陣。

英格蘭雖然整體實力較強，但塞爾維亞亦唔係等閒之輩，預計戰況應該會好緊湊。有一點要留意，英格蘭雖然有「足球係佢哋發明」嘅光環，但喺大賽經常失準，所以冇得話穩贏。塞爾維亞呢班年輕球員充滿鬥志，同時又有豐富經驗嘅老將領軍，應該唔會輕易讓步。估計今仗只會是一球上落嘅結果。

AI預測：

D組 波蘭 Vs 荷蘭 (上午 9:00)

賽果：荷蘭勝

比分（半場）——預計雙方會較為謹慎，0:0 或荷蘭 1:0 領先。

比分（全場）——考慮到荷蘭隊的整體實力和近期表現，預測荷蘭2-1 或 1-0 勝出。

總入球——預計比賽會激烈但不會過於高得分，預測少於 2.75 球

C組 斯洛文尼亞 Vs 丹麥 (中午 12:00)

賽果：丹麥勝

比分（半場）——預計雙方會較為謹慎，0:0 或丹麥 1:0 領先。

比分（全場）——考慮到丹麥隊的整體實力和近期表現，預測丹麥2-0 或 2-1 勝出。

總入球——預計比賽會非常激烈，但不會過於高得分，預測少於 2.75 球

C組 塞爾維亞 Vs 英格蘭 (下午 3:00)

賽果：英格蘭勝

比分（半場）——預計雙方會較為謹慎，0:0 或英格蘭 1:0 領先。

比分（全場）——考慮到英格蘭隊的整體實力和近期表現，預測英格蘭2-0 或 3-1 勝出。

總入球——預計比賽會非常激烈，但不會過於高得分，預測少於 2.75 球

T100

【2024年歐國盃期間，加拿大《星島網》每日都會有駐場「球評人星爺」為大家開壇講波，仲搵埋AI幫手預測賽果，人機強強聯手，肯定「近」到無倫！】