直播灵接触丨樊亦敏爆“性交转运”骗局经历！师傅突然讲：独门方法注入阳气
近年凭《爱·回家之开心速递》的“三太白天娥”而深受观众欢迎的樊亦敏（Amy），原来她除了是圈中“隐形富婆”，经常出动私伙Hermès手袋拍剧外，樊亦敏本身亦有不少灵异经历，在昨晚（3日）播出的《直播灵接触》，樊亦敏分享了一个关于“性交转运”的经历。
相关阅读：“三太”樊亦敏支持留港消费品尝高级中菜 投资有道变富婆睇中4亿独立屋
樊亦敏分享关于“性交转运”的经历：
樊亦敏睇节目突然熄灯？
在节目一开始，樊亦敏分享了今次为何现身节目，她说：“𠮶阵我咁啱放假，咁啱喺酒店睇到呢个节目，睇睇吓突然全间房嘅灯熄晒，咁我咪走去问酒店点解会熄咗灯，佢哋话可能个scaner有问题，如果佢scan到间房冇人会自己熄灯，但系我话间房有人喺度睇电视，跟住佢派咗个工程人员上嚟，佢系呆咗。到咗第二日，我同节目嘅writer讲紧会讲啲乜嘢，𠮶阵系下昼2点几，突然间啲灯又熄咗，可能有太多‘朋友仔’睇紧，累积咗啲能量喺间房。”樊亦敏称这种经历我以前已经试过很多次，她续说：“我试过睇紧个节目，我心谂如果我唔使行埋佢，有人熄咗电视就好，点知唔使三秒就自己熄咗。之后我就话其实我系未睇完，你可唔可以开返？佢就真系开返！”
樊亦敏在分享了一个关于“性交转运”的经历，她说：“我冇权威性去讲呢样嘢，呢个系双修，系密宗一个法，唔系普通人可以做，就算本身系密宗都唔会乱咁去做。我之前有个朋友，因为佢结婚初期有咗个BB，但系后期流产咗，所以精神一直唔系太好，咁佢接触咗啲朋友，介绍咗一啲所谓嘅师傅畀佢识，仲同佢前世做咗啲嘢，唔系咁好，今生唔够正能量，所以仔女同你无缘。𠮶个师傅就话自己好多正气，叫我朋友几时几日嚟佢个坛，帮我朋友作法，仲叫佢唔使同人讲。”
樊亦敏早年北上发展赚到钱：
樊亦敏称朋友如期到师傅的坛：“我朋友单人匹马上去，去到师傅突然同佢讲：‘其实你都生得几靓，咁后生有机会做呢样嘢，但系如果要确保万无一失，要揾个高人帮你做个法，我有个独门方法可以向你注入阳气。’𠮶个师傅行埋去我朋友面前，叫佢使惊，其实点会唔惊，个电话又唔喺身边，好彩其他人留意到我朋友个情绪好波动，又唔系好听人讲，跟住佢老公又出现咗。”
樊亦敏续说：“原来佢老公一直跟住个老婆，又打唔到老婆个电话，于是咪狂敲门，𠮶个师傅无可奈何下唯有开门，佢老公一手扯返个老婆出嚟，我唔知最后佢有冇报警，所以大家喺情绪忧伤嘅时候，更加要警掦，因为有好多所谓嘅师傅，自称系乜嘢都好，要靠佢嘅言行举止去判断可唔可以信赖。”
性交转运师傅有报应？
梁思浩等戈再追问这个师傅有否报应？樊亦敏说：“据我所知，佢唔止一个人，因为我朋友介绍过几个人去，有啲讲出嚟，系做咗某一啲嘢，而呢个师傅走𠮶阵系好辛苦，好多病，佢真系一个修行嘅人，用咗好多方法救自己，但系都唔得，因为个病而要喺张床上面先走到。种善恩得善果、令自己正能量多啲都系一个方法。”
樊亦敏为黄大仙弟子
其实樊亦敏多年前入道成黄大仙的弟子，不时往道堂帮手，为善信解答问题，有指樊亦敏入行后因免疫系统出现问题要周围访寻名医，可惜仍未见好转，在机缘巧合下，樊亦敏到了黄大仙道堂“愿诚园”求医，并获一名道长指点，在透过扶乩中得到黄大仙批出的乩文后，竟成功药到病除。
其他文章：
“三太”樊亦敏戴假发照曝光 因病脱发近光头 只为一件事坚持努力工作
婚后事丨三太樊亦敏贵气Look神秘现身！隐形富婆常拎私伙Hermès拍《爱回家》
樊亦敏客制Hermès手袋尽显尊贵地位 一身名牌睇天价楼堪称圈中“隐形富婆”
----------------------------------
紧贴最新最快新闻资讯，请立即下载星岛头条App：https://bit.ly/3Q29Vow
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
