星8卦｜“扮嘢”结婚玩神秘得罪全世界 生女想复出被嫌弃

“扮嘢”呢期可以话得罪晒全世界，最唔明啲人点解明明系开心事，但总系要搞到神神秘秘，呢个地球无秘密㗎，到头来被踢爆就系你咋！好似结婚，虽然嫁条“茂利”，钱唔够自己多，怕俾人笑啩，但都唔使好似偷嘢咁，惊死俾人知，俾人登咗出嚟，发晒癫咁要捉内鬼，呢件事已经令身边啲人好不满。所以做咗人老婆之后大家当佢透明，唔知咁多嘅以为佢玩退隐。

呢排佢又有喜讯呀，喺高档医院生咗个女。入院𠮶阵鬼咁紧张，住4日都要高度戒严，结果成间医院当佢系普通人，亦唔系太多人认得佢系边位，玩乜嘢谢绝亲友探访，医院啲人直情笑佢以为自己巨星，摆咁大派头真系谂太多嘞！

生完都有一段时间，“扮嘢”好似醒番咁，竟然不断打电话畀以前合作嘅台前幕后 ，睇吓有无嘢可以做。问题系你之前玩得个Party太寸，乜人都唔骚。人与人之间系相向，佢之前对人已经好刻薄，仲谂住嫁埋唔同世界联系，你真系以为自己想点就点？Sorry呀，加埋市道咁差，大家都唔够嘢做，边个会拣个out咗冇人气嘅艺人呢！佢今次真系可以好好休息！

相关文章：

星8卦｜“阿靓”被“红人”抛弃 闪嫁“英雄”误堕骗局做摇钱树

星8卦｜“乖乖”大红揾钱 “长辈”同经理人嘈分钱出粮自己使

星8卦｜“叠叠”嫁错老公 揾到金主即离婚自救

《星岛申诉王》推出全新项目“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰https://bit.ly/3uJ3yyF

想睇更多精彩内容，请立即浏览“区区有申诉”活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow