揭李琳琳息影33年复出演女同志始末 杨曜恺煲旧剧揾演员 区嘉雯赞好主动锡够投入丨独家
杨曜恺（Ray）导演继2019年的《叔·叔》后，在柏林影展夺得被誉为“同志电影奖项最高殊荣”泰迪熊奖的新作《从今以后》，再以长者同志为主题，跟区嘉雯再合作，还成功邀得冇拍戏33年的李琳琳出山拍港产片。脑海出现李琳琳，Ray全靠睇旧电视剧《轮流转》和《民间传奇-梁山伯与祝英台》。区嘉雯大赞李琳琳演技完全无生疏，跟她演绎相交逾40载的情侣相当投入，拍亲热戏更作出主动，是一次绝佳的拍摄体验。采访：杜杜 摄影：罗安强
导演制作《从今以后》并非因为长者男同志电影《叔·叔》成绩骄人，全因2020年他去有关同志遗产权益的讲座，提到同志伴侣离开后，留低的伴侣跟对方的家人关系决裂，“3对情侣同对方家人本来都好亲密，放假一齐去玩，亲友啲仔女会喺佢哋屋企住，已经系家人嚟，但当伴侣走咗之后，关系可以咁快转变，我就想写呢个故事。”而故事以女同志为背景，Ray解释讲座的个案全是女性外，还因香港社会较保守，女同志较男同志情侣更易融入对方家庭，“但个接受其实有几深呢？！表面上比男同志容易啲，原来当有事发生，有啲磨擦，啲嘢就会发晒出嚟！”
靠姜大卫帮手揾李琳琳
Ray跟嘉雯姐合作《叔·叔》后变熟络，加上写剧本时是《叔·叔》宣传期，看到嘉雯姐跟女主角“Angie”很相似，就依着对方来写，“嘉雯其实同《叔叔》演好师奶嘅‘阿清’好唔同，佢本身好elegant，气质同‘Angie’有啲相似，外表睇好温柔，其实裹面好硬净、坚强，我就将呢样嘢混合咗角色。”
李琳琳演的女同志“Pat”一角，Ray之前试镜一直都未揾到适合演员，“呢个年纪演紧戏嘅女演员唔多，好多喺TVB做紧，电视剧会好深入民心阿妈形象，我唔想，想有清新啲感觉。”他从旧电视剧中寻找，看到李琳琳在《轮流转》的演出留下深刻印象，“《轮流转》讲5个女仔，李琳琳角色冇特别讲拍拖，系现代新女性，好得意好清新，有个好modern嘅感觉，再睇《民间传奇-梁山伯与祝英台》做男仔都OK，都几俊俏㖞！几吸引！”Ray最终透过姜大卫（John哥）相约李琳琳见面，初次见面他已觉得对方好Fit角色，“佢真人好爽，都倾得几好，问佢有冇兴趣就畀个剧本佢睇，过咗几日，佢已经话有兴趣做，佢同我讲啱啱拍完美剧，都有返兴趣拍戏。”姜大卫受访时曾说，以往都有人揾过李琳琳复出，只是角色剧本未能打动她，Ray亦承认《从今以后》角色吸引到对方，“有自己性格有自己故事，唔系一个附属品嘅角色，所以佢会有兴趣。”
靠工作坊培养伴侣默契
初次跟75岁琳琳姐合作的71岁嘉雯姐，在Ray安排下首见面，已好快揾到话题，“我哋年纪差几年，都系同代嘅人，原来佢喺德望读过书，我喺德望毕业，好得意。”另外导演再安排演员上workshop，令大家加快熟络，对演绎相处超过40年的伴侣有很大帮助，“讲真我哋事前又唔识，要做到咁好难，唔通我搬去John哥度住一排咩？！冇可能，哈哈！做咗呢啲workshop，大家有个心意沟通，唔系好多戏可以容许咁嘅交流，所以我好钟意做Ray啲戏，哈哈！”到正式埋位，嘉雯姐觉得对方演技完全冇生疏，“好似学踩自行车一样，学过永远都喺度，不过要少少时间热身，哈哈！”Ray又搞笑补充，“佢丈夫仲做紧戏嘛，两个可能喺屋企练咗好耐！𠮶几十年日日练啦！哈哈！”
嘉雯姐讲到难忘戏份，就是跟琳琳姐唯一的亲热戏，她更献出跟女性咀嘴的第一次，“琳琳姐做主动，当然我觉得系好nature，唔系因为我唔敢，我唔主动，系因为喺呢个关系里面佢系重心，主动性强好多，于是好自然就发生咗。”这场戏另一难忘点是天公不造美，“拍嘅时候多灾多难，剧本预系风和日丽一齐行山，好浪漫仲有人吹笛，点知𠮶日落大雨，唯有转去个亭度拍。”
《星岛申诉王》推出全新项目“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰https://bit.ly/3uJ3yyF
想睇更多精彩内容，请立即浏览“区区有申诉”活动专页，https://bit.ly/41hgS9E
《星岛头条》新网站有更多精彩内容：http://www.stheadline.com/
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
