Anson Lo 为爱隐退：最快5年后！ 新歌越唱越感触 理想型并非“教母” 丨名人杂志

经常刷新连续工作小时纪录的“教主”卢瀚霆（Anson Lo）是百分百的工作狂，被封为“黐线Lo”，但原来爱情在他生命中都占上重要位置，将来有拖拍不排除会退出幕前，更预言最快在5年后才发生，但自言目前不是“恋爱脑”，理想中的“教主嫂”亦非“教母”类型！

文：陈凯诗 图：罗安强

原来AL钟意另一半嗲啲。

 

Anson Lo工作至上，讲明就算当下拍拖都会取得平衡。

 

爱情对AL好重要，但他自言并非“恋爱脑”。

 

AL大爆新歌原本想讲述求婚故事，但在Wyman建议下改为其他角度入手。

 

AL认好耐无拍拖，录新歌感触到喊。

 

虽然经常被话唔识煮嘢食，但AL自言好识照顾身边人。

 

 

Anson Lo新歌《深闺》击败了《不可爱教主》、《永顺街39号》及《浪漫杀死巨蟹座》，成为了他暂时最喜欢的慢歌，他透露收到作曲人徐浩的Demo时，已经一take收货：“我觉得呢首歌系一种好浪漫嘅氛围，好似从自己第一身出发唱俾一个人听，话俾佢知我几咁珍惜佢、爱佢，系好有感情嘅一首歌。”

Anson Lo刚推出新歌《深闺》。

 

与Wyman（黄伟文）讨论新歌概念时，起初他是希望造一首求婚的歌，AL：“虽然我冇话要结婚，但想系一首好aggressive表达自己爱呢个人嘅歌，不过Wyman却认为求婚不符合我的年纪、阶段及形象，于是从其他角度入手。”

被Wyman笑为人紧张

原来3月到英国巡唱时才是AL首次与Wyman见面，之前两人的合作都是靠通电话来沟通，早前Wyman 在社交网以uptight（紧张）来形容AL为人，AL笑言：“佢喺社交网，或者通电话都系用呢个字形容我，佢觉得我个人好紧张，对住前辈、陌生人都有一种隔膜，好期待睇到我唔同嘅一面。”直至上次英国见面相约食饭，大家都饮咗少少酒，好快破冰更兴奋到咩都讲一餐，AL自认个性慢热内向，但一旦得到彼此信任就会有安全感，他会呈现细路仔的一面。

AL早前到英国巡唱，与一班队友约Wyman见面。

 

《深闺》其中一句“拒绝再做凡间千人迷”是AL最喜欢的：“热恋中的情侣，好想对对方有承诺，呢首歌其实系好relate到，但突然间出一句‘拒绝再做凡间千人迷’，变返好relate到Anson Lo，如果我拍拖嘅时候，其实都可以有呢个选择，完全唔做𠵱家呢个行业，隐退净系拍拖。”记者俾佢呢句吓一吓，即问：“咁你会唔会咁做？”AL坦言：“呢两年都应该唔会，可能5年后，未去到话完全唔做、净系拍拖，因为我都唔系‘恋爱脑’，虽然爱情对我嚟讲都几紧要，但呢几年工作紧要程度高好多，所以如果真系呢一两年去拍拖，应该系要攞balance。”

MV喺巴黎取景。

 

#懂得照顾另一半

已经很久没有拍拖的AL表示：“系好耐无拍拖，所以录《深闺》系会唱到喊，因为我幻想如果自己拍紧拖，都应该真系成日会留喺屋企，无论系自己个人偏好或者工作需要都好，我都会成日留喺屋企，加上自己近年好少social life，所以越唱越感触。”

拍得好靓仔呀。

 

经常被标签不懂得做家务的AL，究竟能否照顾另一半？他趁机为自己澄清一番：“应该都会，虽然大家经常标榜我唔识煮嘢食，但其实我𠵱家自己一个住，基本生活技能我都有，食完嘢抹枱、拖地、执床（你成日浸𠮶个浴缸系咪你自己洗？）系，所以唔系大家讲到我完全坐喺度唔做，如果拍拖，基本日常都会照顾到人。”

新歌女主角忘记了AL，但现实中他最惊被妈咪忘记。

 

踢爆“教母”太强权

至于心仪对象会否target 教母（AL母亲）的类型？AL带有犹豫，并踢爆教母太强权，笑言：“教母顶级聪明，但太强权，屋企差唔多所有决定都系佢做；但我自己心仪唔系呢类型（钟意嗲啲？）系囉系囉，好似讲到好嫌弃我阿妈咁。我观察我父母相处方式，唔系我好想要，但其实佢哋workout得好好嘅，但我自己就唔太钟意好强权，唔系好想所有都系佢话事，可能系6:4 balance 。”

新歌中的女主角会忘记他，现实中AL最怕谁人忘记了自己？他直言是教母：“我妈咪，尤其屋企人年纪开始大，妈咪身体又比以前差咗，过去呢年我都担心妈咪多咗，因为佢好固执又好唔听话。”相反，最希望谁人可以忘记自己，AL就选Jeremy（李骏杰），并笑指Jeremy太了解他不是一件好事，希望对方再重新认识他。

AL爆妈咪固执又唔听话。

 

自认常报喜不报忧

性格向来内敛的AL，以前总会将所有事藏在心里不说：“我谂呢方面比起出道都进步咗，视乎咩事情，有啲事我都会share俾大家听，但我都仲系有报喜不报忧嘅时候，因为我觉得呢个系我个job要承受嘅嘢，我冇办法每一日都将唔开心嘅嘢讲出嚟，对件事冇帮助，仲要令心爱我嘅神徒唔开心，咁我又觉得唔系太啱。”

而《深闺》英文名《The homebodies》原来是由唱作歌手Serrini（梁嘉茵）出手改的，AL非常喜欢：“我完全冇谂过会有英文名出现，过去嘅慢歌都冇英文名存在，所以今次有觉得好新奇，Wyman 好贴心仲揾埋Serrini帮手，成件事好Sweet。”自从为Serrini 演唱会担任嘉宾后，两人甚少幕前合作，但在社交网都有留意对方的作品，并会有几句交流，期望之后会再有机会合作。

AL趁出埠开骚，孖队友Jer大玩特玩。

 

同杜Sir合作感挑战

此外，AL在美加巡唱前已经开拍杜琪峰的新戏，对于首度与杜Sir合作，他坦言：“我觉得好有挑战性，杜Sir开工时间好弹性，以前拍电影通常凌晨四点起身化妆set头，拍到夜晚，但杜Sir有时净系拍夜晚，但收工时间未必系讲𠮶个时间，佢系一个完美主义者，好多时突然间要去围读倾好耐，呢个系我未试过，倾得好深入，系十分珍贵嘅经验。”

首度与杜Sir合作的AL，坦言劲有挑战性。

 

Makeup：Rainbow Chung @ Annie G. Chan Makeup Centre
Hair：Denny Ku @ CHIC Private I Salon
Wardrobe: Swank 
Stylist: PIPA Creative
场地： Studio meta

 

《星岛申诉王》推出全新项目“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰https://bit.ly/3uJ3yyF

想睇更多精彩内容，请立即浏览“区区有申诉”活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。