专栏｜巴塞大龙凤咪又系钱作怪

近年好多时都可以见到好多由球会拍摄唔同嘅纪录片，例如东北部嘅新特兰同纽卡素、三冠王嘅曼城、年轻化嘅阿仙奴，都会拍出一啲更衣室嘅情况，从中可以见到教练嘅威严，同点样去管理球队，都会略知一二。

同时今年教练转会窗已经好好睇，高普嘅离任，可能由飞燕诺教练史诺特接任；杜曹嘅卸任，可能由前曼联领队兰历克执教鞭；而沙维嘅失败，咦咪住？沙维几时失败，由宣布自己来季唔教91日后，较早前巴塞官方又话沙维会继续执教巴塞，真系令人摸不着头脑。

要知道巴塞今季四大皆空，欧联不敌巴黎圣日耳门，国家打吡全部输俾皇马，可以话认真失色。原本沙维就谂住出绝招，为咗保住名宿嘅光环，梗系话自己走啦，又可以谷一谷球员嘅士气，一举两得！

点知巴塞真系要番佢坐镇，其实原因只有一个，就系因为钱。巴塞呢几季嘅财困认真夸张，又要卖球场名，呢几季嘅签人，大多都系免签。同时又要谂新请番嚟嘅教练，转会窗又要洗一笔，未必会成功，况且球会或许认为B队教练马基斯都未必有能力，咁倒不如揾沙维继续执教。

巴塞真系好好笑，同我睇黄金一代真系有好大差别，如果今年有套纪录片可以留低，真系会好想睇下，究竟沙维几有威严！Willhappy

-----

《星岛申诉王》推出全新项目“区区有申诉”，并增设“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰https://bit.ly/3uJ3yyF

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。