林奕匡剖白准老窦矛盾心情：香港读书真系好辛苦 叶巧琳黄妍笑谈有味减压妙法丨独家

林奕匡（Phil）、叶巧琳（Mischa）及黄妍（Cath）首合唱新歌《艺术与科学》，因为要在日本大型音乐平台“The First Take”（TFT）初次演绎派台版本，两女好紧张更自爆录音前要另类减压。 另外，Phil开心分享准爸爸心情，强调拒做怪兽家长，唔会让小朋友步自己后尘做书虫，然后惨被两女睇死，未来必定被仔女食住。采访：杜杜 摄影：罗安强 形象:Sam Cheung@exactly.the.sam化妆:Carmen C(Phil&Cath) 发型:Kenki@w.work.shop(Phil)、Milk Chan@XENTER(Mischa) 、Aki Choi(Cath) 服装:ithk(Phil)、Harvey Nichols HK(Mischa&Cath)

Phil、Cath及Mischa都觉得今次录音，有种重拾做新人的感觉。

 

Cath、Phil及Mischa都觉得今次录音，有种重拾做新人的感觉。

 

由于太紧张，Cath到达日本后一直失眠。

 

由于太紧张，Cath到达日本后一直失眠。

 

Mischa有做组合经验，识得教Phil和Cath放松。

 

Mischa有做组合经验，识得教Phil和Cath放松。

 

准爸爸Phil努力揾奶粉钱外，会尽量兼顾家庭。

 

准爸爸Phil努力揾奶粉钱外，会尽量兼顾家庭。

 

 Phil在“TFT ”演绎两首歌，除《高山低谷》10周年版，还邀同门 Mischa及Cath一齐玩，将早已完成的歌改编成《艺术与科学》。因为“TFT ”演绎版本会派台，3人不容有失，加上得3星期准备相当大压力，更透露上“TFT ”前两日，已飞到日本准备。Mischa称录音前一晚，Phil练歌到半夜，“我喺酒店房会紧张，就出咗去食饭，零晨仲听到Phil唱紧歌。”住隔篱房的Phil讲完Sorry再解释，因感冒未好怕影响水准，“有少少气管敏感，𠮶度得1、2度，一出门就会影响把声，更加担心。”

3人讲起上“TFT ”过程，依然好兴奋。

 

日前3人出席新歌《艺术与科学》首播会。

 

录音前约埋厕所减压

翌日Phil起身即跑步及开声，“仲有少少鼻塞，个人好水肿，希望状态好啲先去。”Phil和Cath要饱肚先录到歌，去到现场即食饭，Mischa就只食了只蛋。埋位前两女先在厕所碰面，Cath自爆：“我平时唔会喺街上厕所，佢（Mischa）话‘你放低啲嘢先啦’，最后忍唔到放低咗。”Mischa答得搞笑：“放低咗几両黄金，哈哈！”两女大谈减压妙法搞到Phil好尴尬，“喂呀！你哋真系吖！我都可能有，但唔会同人讲呢啲嘢！” Mischa认为好普通的事，“大家有做过舞台剧就会知，Good Show......s！”

3人完成“TFT ”录音后，还到了富士山拍MV。

 

Cath录音后趁机放假，去了奈良美智博物馆。

 

Mischa为了保密行程，只post风景相。

 

圣诞快闪4日返加拿大

即将做爸爸的Phil好期待，但提到当日太太攞住验孕棒报喜时，未敢太开心，“始终未稳定，要冷静啲，先照顾太太身体，到照超声波见到BB，同佢心跳，见到佢捽眼先至相信。”准爸爸得知喜讯，即计划跟太太返加拿大跟家人过圣诞节，就算只得4日劲匆忙，“朋友都冇见过，但哥哥成家人都返咗去，10年冇试过一齐过圣诞，加埋喜事，所以好难得。”不过他当时未有向家人报喜，“我哋心里知道，呢件系好难得嘅事，有个新成员，家庭大咗少少。”

2月尾，Phil公布太太李霭玑（Rikko）陀BB好消息。

 

Phil已有10年没有跟哥哥一齐欢度圣诞节。

 

去年圣诞节，Phil和老婆Rikko返加拿大与家人庆祝。

 

唔认同会被仔女食住

准爸爸Phil已有不少转变，首先搬屋以便外母回港凑孙，以及请工人，“有人话有咗搬唔好，但𠵱家搬总比之后搬容易，我辛苦啲搬多啲嘢，太太要瞓就瞓。”另外，听到两女之父陈柏宇提醒报学校注意事项时吓亲，但有信心不会变怪兽家长，“陈伯话边间学校要报读，系有啲恐怖，我喺加拿大读书好随便，10岁前冇乜正经过，都系玩之嘛！香港读书真系好认真好辛苦，小朋友真系要由朝读到晚，爹哋妈咪亦要读埋一份，揾个平衡会好啲。”他以自己作例子，不想仔女步其后尘，“我细个系好勤力，好专心嘅书虫，接触咗音乐后，好多嘢唔系喺学校学到，去到某个岁数先知自己想做音乐，代表咗我咁多年嚟，未够了解自己，需要啲乜嘢。”他认为教育是，要让小朋友接触更多新事物，“幸好我试过音乐，又以音乐做事业，希望我个BB有时间及空间去了解自己。”而Mischa和Cath就睇死Phil，一定畀仔女虾，Mischa笑说：“一定食住你！”Phil唔认同，“唔会，知老婆太心软，我要做衰人多啲。”Cath拒绝相信，“讲住先，出咗嚟先嘞！”

Phil的童年是书虫，佢希望仔女唔好似佢。

 

Phil跟 Rikko宣布“造人成功”后，首次出席公开活动。

 

《星岛申诉王》推出全新项目“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰https://bit.ly/3uJ3yyF

 

想睇更多精彩内容，请立即浏览“区区有申诉”活动专页，https://bit.ly/41hgS9E

 

《星岛头条》新网站有更多精彩内容：http://www.stheadline.com/

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。