KC&Tsoul懒理被泼冷水:5年后伦敦开演舞会 ROVER自爆首创作笑料亨仔惊写歌丨独家
《造星V》囝囝黄家灏(KC)、田曜诚(Tsoul)、卓金乐(Kim)、陈镇亨(亨仔)、雷濠权(Jason Loi)及王希晋分别以期间限定跳舞组合KC&Tsoul及乐队ROVER出道。K&T明知跳舞明星路难行,懒理被拨冷水,乐做开荒牛。而ROVER做亲访问都玩互窒,以为好感情,原来5子磨合较创作更花时间。采访:杜杜 摄影:朱伟彦 造型:SK & Z 发型:Mavis Mar、仪、Ryan Tsoi 化妆:KaHo Cheng、Choco Wu、Marble Yip、Iris Luk 服装:Harvey Nichols、Kowloon City Boy、Dr Martens、Deopuz场地:@minicorner_party
KC&Tsoul在去年8月13日的《全民造星V Summer Live 2023》后倾签约,Tsoul坦认对公司决定非常惊讶,“真系多谢公司,出band系make sense,但畀我哋两个做跳舞组合㖞!”KC赞公司勇气可加,Tsoul认同:“够胆死掉钱畀我哋,所以我哋会尽全力做好呢件事!”KC&Tsoul讲明是期间限定跳舞组合,所以冇改组合名,KC坦言,“唔想永远缚埋一齐,自由度可以好大,呢条路好多嘢需要试,唔想大家觉得我哋永远系咁样。”他又指不排除1年后继续合作,“我哋想合作都可以再合体。”对于被质疑只跳不唱,他们解释正是想开拓破格新方向,Tsoul说:“未来一定有机会听到我哋唱歌,唔使担心,我哋唔系惊咗唱歌而唔唱,如果我哋系咪都唱,同跳唱嘅人冇分别。”
以MIRROR作例子自勉
外界唔睇好跳舞明星的发展,就连同样跳舞人出身的肥仔(梁业)@ERROR,接受本报访问时亦认为路难行。KC认为要试过先知,亦感激一众《造星》跳舞前辈帮他们铺路,“公司觉得可以咁行,唔系我哋做得特别出色,系过往几届做到,开始多人认识跳舞,潜移默化,从来唔觉得我哋系终点,之后有人可以再捧住呢样嘢继续行落去。”Tsoul再用师兄MIRROR作例子,“如果你哋泼我冷水,唔做就冇㗎喇!之前都冇队咁成熟嘅男团,5年后大家见到好成功,佢哋当初都俾人话好困难,唔紧要时间证明囉!5年前点会谂到佢哋有呢个高度,可以去伦敦开演唱会,讲唔定5年后,我哋都去伦敦开演舞会,我哋会尽力做,唔知work唔work㗎!”公司已为他们定好今年两大目标,除了跳舞节目,还有大骚,“节目内容会去外国揾跳舞明星拜师学艺,接住有个演舞会,请返节目中出现过嘅跳舞明星嚟表演,仲有香港dance group,做一个纯跳舞嘅Performance畀香港人睇。”
Jason后悔冇去冲绳
ROVER同样在《Summer Live》后,获公司通知组Band,Jason一直冇露面,连《冲绳任你点》亦冇份拍,他解释要在澳门科技大学上堂,“一星期返3、4日,我哋学校有啲似中学,冇得拣上咩堂,出席率计得好严,《造星》𠮶时停咗一排,只差一个学期就毕业,趁时间尚算松动,嗱嗱声读完唔使烦。”对于冇拍《冲绳》他好后悔,“睇返先知蚀咗,好多好嘢玩,又见咗啲好特别嘅人。”亨仔又嚟玩嘢:“你冇去我哋都好遗憾,好唔开心。”希晋同Kim亦配合,“好唔开心!点解要去读书?!”
初次一齐夹Band,ROVER承认花在磨合的时间,较创作《秒速8公里》更多,希晋更踢爆平时口多多的亨仔,创作初期好少讲嘢,亨仔就解释:“我未写过歌,好惊写melody大家会笑我,其实笑过,但系佢哋都好支持我,有咩攞咗出嚟先,可能好呢!”他们感激有监制Edward Chan带着,希晋说:“分析我哋把声应该点,Edward老师呢半年嚟好重要。”
唔知ROVER有咩成员
Kim和亨仔早前为《造星V》导师陈蕾演唱会做嘉宾,首踏红馆的两人都话超难忘,亨仔说:“一生人唔知有冇机会上红馆做表演,真系好庆幸有今次机会,仲要系我哋两个嘅生日。”Kim坦认首日演出好紧张,随后渐入佳境。对于网民指他们加上Nathan (魏念恩)和Tiger Foo(符纪男)才是真正的ROVER,亨仔强调最初不知ROVER成员安排,“都系我打开门𠮶吓,先知老板叫咗边啲人嚟组呢队band。”
《星岛申诉王》推出全新项目“我要赞佢”栏目,现诚邀市民投稿赞扬身边好人好事,共建更有爱社区。立即“我要赞佢”︰https://bit.ly/3uJ3yyF
想睇更多精彩内容,请立即浏览“区区有申诉”活动专页,https://bit.ly/41hgS9E
《星岛头条》新网站有更多精彩内容:http://www.stheadline.com/
>>>立即浏览【移民百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
>>>即读【新移民专栏】:新移民第一身经验,与你分享当下年轻移民生活日常大小事,即读“新移民专栏”。
iPhone:https://apple.co/2IBi812
Android:https://bit.ly/2Pe8anu
>>>订阅【加拿大星岛网电邮快讯】,每天可收到最快新闻资讯电邮:
https://www.singtao.ca/subscribe/singtao.php
>>>立即关注加拿大星岛新闻网TG Channel,让加国新闻无遗漏全天候向你推送:
https://t.me/singtaoca
>>>订阅CCUE YouTube 频道,查看更多吃喝玩乐、生活资讯影片。