谈善言 骆振伟激赞AK超投入:拍争女戏用真力 兴奋剧透《打天下2》感情瓜葛丨独家
谈善言和骆振伟(Thor)首合作ViuTV新剧《打天下2》,延续“庄惠”一角的前者于拍摄初期已受伤,韧带半月板撕裂要停工大半年休养,更因影响拍摄进度非常自责。另外,今季Thor演的二世祖新角色“Darwin”,会跟AK演的“志浩”争夺“庄惠”,Thor更唔觉意泄漏剧情,两男为争女大打出手,AK更因太投入角色玩真力𠻹!采访:杜杜 摄影:谭志光 发型:Larry Ho@Aveda IL COLPO(阿谈) 化妆:German Cheung(阿谈) 服装:MAX&Co.(阿谈)、MELSIGN、432hz(Thor)
阿谈欣赏Thor工作态度认真,首合作已好快熟络,“佢做主持多,但喺现场有好多谂法,我都好surprise。”Thor表示一直恨跟阿谈拍戏,“听过佢好多嘢,渴望同佢合作,佢好有谂法,好认真,好enjoy对戏过程,佢好从容又好有direction,又接受你个direction,好开心咁玩每场戏。”被Thor狂赞的阿谈连忙道谢。
太攰影响状态出事
阿谈今季对打次数不及上季,但都属大场面,包括她受伤的一幕,“𠮶场大打戏棠哥(欧锦棠)一直好期待,牵涉好多嘢,一shot落又封晒路拍,我哋排好多次都冇事,roll机第一take就濑嘢。”她怀疑太攰不在状态出事,“𠮶日收工过嚟直踩,动作要来回,呢边打一次再转身,再起跳嘅时候,身转脚未转,就扯断咗。”由于开拍1个月属制作初期,受伤令她份外自责,“我大部份戏都未拍,𠮶场又未拍完,book晒伊馆拍最尾ending,揾咗日本演员过嚟打,我伤咗所有嘢都要停拍,好担心。”之后制作组先跳拍其他戏份,等她休息大半年再续拍,“再book多次伊馆,再请武田(梨奈)过嚟同我对打,好彩日本演员又就到。”她笑言再拍时除了揾替身帮手,大家都好锡住她,“我唔避佢哋都会避,佢哋好惊我再整亲,我想郁佢哋都叫唔好。”
拍打MMA戏难度好高
Thor饰演新角色“Darwin”,他形容是个醉心MMA,有理想的二世祖。继《绳角》后再拍打戏,他称两者分别好大,“上次打classic boxing,今次就MMA,完全两样嘢,locking𠮶啲我哋完全唔识,所以上次喺《绳角》学到嘅嘢完全冇关系。”他又庆幸今次再跟AK合作,因拍打戏默契好紧要,“靠大家嘅trust ,好彩我同AK打嘅途中唔系好多出错,AK就无敌,佢练舞记step,主要系我嘅问题,好彩压力驱使下还好,所有长镜头都系两、三take,棠哥知道我哋去尽咗都收货。”阿谈大赞两人拍擂台戏一shot落好厉害,“肢体协调同记性都要好好。”
事隔3年再演绎“庄惠”,阿谈称感觉不同,因今次要面对不同逆境,“再接触返‘庄惠’,佢真系唔讨好,哈哈!有啲人嘅坚持会觉得好烦,但系又唔会想唔理佢,我就捉住佢对理想嘅坚持,一路做落去。”她又欣慰有班好伙伴,“庆幸着返件袍,纸皮道场嘅伙伴可以帮我recall返‘庄惠’出嚟,港队对手亦帮我投入返角色。”
Thor妒忌又羡慕AK
上季AK演的“关志浩”对“庄惠”一往情深,告白被拒都冇放弃,追问今季两人关系?Thor反应好大:“哎吔!我唔听嘞!哈哈!”轻轻剧透的阿谈说:“‘志浩’系长情嘅人。”而Thor否认是第3者,但就爆料:“Food Buddies囉!哈哈!唔系,有啲瓜葛囉!不过系单方面!”阿谈代“庄惠”向“志浩”大派定心丸,“庄惠都几一意孤行,目标清晰。”“Darwin”条件咁好,会否令“庄惠”心动?阿谈就答得好妙,““庄惠”唔睇呢啲嘢,佢净系得空手道。”问“Darwin”和情敌“志浩”关系?Thor不离搞笑本色,“单方面嘅憎恨,妒忌、羡慕、中年危机、多疑。”仲自爆两男为女大打出手,“同佢(AK)𠮶场大打有啲机缘巧合,未关呢个人(阿谈)事,纯粹武术上砌磋,拍其他反而瘀晒,我觉得AK加咗真力,哈哈!(投入咗角色感情?)系囉!因为你(阿谈)呀!𠮶度几多石仔,我哋碌嚟碌去。”
《星岛申诉王》推出全新项目“我要赞佢”栏目,现诚邀市民投稿赞扬身边好人好事,共建更有爱社区。立即“我要赞佢”︰https://bit.ly/3uJ3yyF
想睇更多精彩内容,请立即浏览“区区有申诉”活动专页,https://bit.ly/41hgS9E
《星岛头条》新网站有更多精彩内容:http://www.stheadline.com/
>>>立即浏览【移民百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
>>>即读【新移民专栏】:新移民第一身经验,与你分享当下年轻移民生活日常大小事,即读“新移民专栏”。
iPhone:https://apple.co/2IBi812
Android:https://bit.ly/2Pe8anu
>>>订阅【加拿大星岛网电邮快讯】,每天可收到最快新闻资讯电邮:
https://www.singtao.ca/subscribe/singtao.php
>>>立即关注加拿大星岛新闻网TG Channel,让加国新闻无遗漏全天候向你推送:
https://t.me/singtaoca
>>>订阅CCUE YouTube 频道,查看更多吃喝玩乐、生活资讯影片。