张敬轩送玉照月历被当众追数 李幸倪曾被音乐人狠批不应做歌手

张敬轩日前带同Gin Lee李幸倪、泳儿（Vincy）、黄明德（Dark）、黎展峯（Andy）及洪助升（Aiden）出席《EEG电笠人人和音校园巡演》，活动邀请了南区7间中学的学生及一些低收入家庭入场欣赏演出。6位歌手除了唱歌，更与观众大玩游戏，压轴出场的轩仔除了唱出《隐形游乐场》及《青春告别式》，更带来小手信送给现场观众，“今年我发行咗一款月历，有我嘅玉照。”随即引来全场起哄，而站在轩仔身旁的Vincy出奇不意一句：“系咪着泳衣㗎？”观众又再次嗌爆场馆，这时其中一位参赛者乘机追问轩仔：“我想问吓你着泳衣条数几时找？”全场大声欢呼，轩仔回应：“咁多人记得㗎咩？我话畀你听我操紧呀真系！”

张敬轩日前出席校园巡演。

 

黄明德

 

黎展峯

 

去到问答环节，有学生问轩仔，自己于社交平台跟人嗌交，但其实他只是想表达自己真正观点，却被人攻击，十分激气，轩仔认为Social Media已经是生活一部份，是一个让人发表自己意见的地方，“每一个人都有自己嘅观点、有自己想讲嘅说话，只要唔系好伤害到人，我觉得系应该要互相尊重。我觉得学识去听人哋嘅说话或者接纳人哋嘅意见、学识思考，就算佢讲𠮶样嘢唔系自己所认同，都要尝试去认识，‘哦！原来呢个世界有啲人系咁样谂嘢㗎㖞。’我觉得对自己嘅修为、对自己智慧嘅增长都系一个有好嘅提升。”轩仔更分享解决自己不开心的方法就是帮助别人，从中疗瘉自己。

学生大饱耳福！

 

学生大饱耳福！

 

Gin当晚唱出新歌《Diff.》及《企好》。

 

Vincy指经常被误会“好串”。

 

Vincy指经常被误会“好串”。

 

洪助升

 

Gin Lee被批不应做歌手

Gin当晚唱出新歌《Diff.》及《企好》，两首歌曲亦十分正能量，她认为听歌是一个很好抒发负能量的方法，有学生问到因为自己想成为youtuber，但父母想他找一些比较踏实的工作，令他十分懊恼，Gin随即分享自身经历，“钟意同擅长系两样嘢。如果十个有九个人都话你唱歌好叻，咁就有好大嘅可能你系唱歌好叻，如果你好钟意唱歌，但得一个人话：‘嗯……都可以吖。’咁你就要谂一样嘢系咪未必啱自己呢。’她续说：“好似我想做歌手，一个我好尊敬嘅一位音乐人佢同我讲：‘你唔应该做歌手，如果你要做歌手，就唔该你废咗你全身嘅武功，重新学过啦！’哗！呢一个feedback来自我一个好尊敬嘅音乐人，我听到嘅时候伤心咗好几日。我好想去证明俾我得或者唔得，所以我透过自己嘅努力去揾答案，俾个时限自己，如果做到嘅话，咁我就揾到个答案；如果试咗好一段时间都未得，咁我又要再谂一谂呢条路系咪啱自己呢？呢条路其实系好漫长，需要好多毅力、坚持、耐性，当你想放弃嘅时候，你再谂返起你嘅初心。”

另外，有学生问到，自己经常被误会“好串”，其实只是不想说话，但又不想解释，问应该怎样做。Vincy即道：“好似讲紧我咁嘅？”原来她入行初期都遇过这情况，“有啲人认识咗我之后，同我讲返以为我好有距离，但识咗我之后原来我都唔系真系咁串，我又觉得几好，因为当对方深入了解咗你之后就会有个反差。所以我觉得你唔需要去解释，唔一定个个人都钟意你，最紧要系你嘅心态，只要你自己觉得其实我个人系唔串嘅，咁就已经好足够，唔需要迎合别人，做返自己。”

 

《星岛申诉王》推出全新项目“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰https://bit.ly/3uJ3yyF

想睇更多精彩内容，请立即浏览“区区有申诉”活动专页，https://bit.ly/41hgS9E

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。