“职场女王”Son姐古董餐具传承三代 紫砂茶壶手工精细极珍贵丨星级品味
有“职场女王”之称的张慧敏(Son姐)近年将职场转至饮食业,早前与一子一女在尖沙嘴开设了一间主打多国菜的餐厅Telicious,主理过百年的家族菜式,或许会觉得这餐厅与其他分别不大,但原来背后一杯一碟餐具和摆设,全部都有段故,当中与张慧敏的家庭有莫大的渊源!
相关阅读:星级品味|《泪之女王》演员发饰价格达40万震惊网民 金秀贤送金智媛减价波鞋属“绝版码”
“职场女王”张慧敏收藏逐格睇:
餐具联系三代人
访问当日,张慧敏已经在餐厅内准备好一切,看见一套又一套中、西茶具、银器和杯碟收藏,或许在其他人眼中,只不过是日常会用来食用的餐具,谈不上是什么有价值的东西,原来对于这个见尽人生百态的“职场女王”而言,背后意义大于一切,亦代表着她与父母的一段关系:“我唔系专登去收藏,系因为纪念价值。你问我系咪好钟意啲杯杯碟碟,反而系因为我屋企好钟意饮饮食食,好似有啲人钟意饮酒,所以会储酒杯,咁我同妈咪又钟意饮茶,所以咪会储埋啲茶叶同茶具。有啲朋友嚟我屋企,系会专登叹茶,所以有唔少茶具。”
在芸芸收藏品当中,张慧敏对Royal Selangor的茶叶罐有珍而重之的感觉:“我爸爸系马来西亚华桥,𠮶阵陪佢返去探亲买,爸爸好钟意金鱼,当然买嘅原因都系为金鱼,真系好靓,另一个有中式亭台楼阁嘅感觉,妈咪都钟意饮茶,𠮶阵佢用呢个罐储茶叶,入面啲茶叶系我妈妈饮剩。”因为这个茶罐以真空设计,所以罐内的依然有淡淡的茶香:“呢个茶叶罐买咗最少20几年,有啲嘢唔可以得memory,有时我好挂住佢哋都会拎出嚟,有啲系佢摸过同用过嘅嘢,可以做一个纪念。”
收藏艺术家产品
另一套餐具是有猪型图案,当年张慧敏在连卡佛见到英国Arthur Wood的餐具后,急不及待买下:“因为我个女系属猪,所以一见就买咗呢套餐具,起码都有28、29年,而家已经绝咗版,有猪头又有猪尾。”除此之外,她还介绍另一套餐具:“台湾陶瓷系杨莉莉,都系廿几年前买嘅,唔记得价钱,我见仲有埋salt & pepper,而且个样仲好似我个女,不过当事人拒绝承认,整定同佢哋遇上!”张慧敏提到的杨莉莉,为台湾著名青花瓷艺术艺术家,于当地以陶瓷工艺著名的莺歌设立工作室;过往曾多次举办不同展览,又曾为当地政府设计宴会餐具、外宾礼品。
紫砂茶壶有灵魂
至于张慧敏的妈咪因为喜欢喝茶,亦因此有不少紫砂茶壶:“因为妈咪好钟意紫砂茶壶,所以𠮶啲景德镇紫砂茶壶配套,都系几廿年前买㗎喇,但系当年都唔平嘅,大概5000蚊左右,因为买𠮶个人系有背后故事,又有经历,好似付予咗个灵魂喺入面。”
张慧敏退居幕后做军师?
银器餐具都是嫁妆
张慧敏亦分享了一个秘密:“因为英国嘅传统,屋企啲银器同餐具都系畀女做嫁妆,而唔系畀仔,我爸爸好锡我,基本上好多嘢好似啲袖口钮,打火机都系留俾我,冇话畀佢啲仔,反而我系主动拎啲出嚟分畀哥哥。可能系同爸爸妈妈一齐住,我啲仔女都系阿公阿婆凑大,所以感情系好好,𠮶啲生活习惯都好近似,家教各样都系一代一代传落去,系好难得嘅缘份,唔知系几多辈修成嘅正果,可以喺阿公阿婆照顾下成长嘅小朋友系好幸福。不过我嘅嘢已经唔系我,始终生带唔来,死带唔走,继承爸爸妈嘅传统,而且阿公阿婆锡佢哋多过锡我,所以咪畀晒啲仔女,如果你讲分家,已经分咗9年。”
收藏意义大于价值
对于这些名贵餐具的日常打理,张慧敏坦言好少用:“我系有个柜keep好,平时好少用,价钱唔敢讲,但价值一定系无价。有时好挂住爸爸,咪拎啲酒杯出嚟摸下,记番𠮶阵佢拎酒杯嘅时候,𠮶个感动会喺度。本来最好梗系可以再留返俾我啲孙,等佢哋又睇下,但系世界唔同咗,如果佢哋钟意嘅咪继续keep,就算佢哋唔钟意,捐咗佢,或者拎出拍卖都有啲钱,我觉得都好有意义。”
话虽如此,不过现在张慧敏亦减少买餐具:“我哋都重视仪式感,有时买吓倾下,又会记得番当时嘅嘢,有过回忆,呢啲先系最窝心。不过而家年纪大买少咗,又要揾地方摆,除非真系见到啲好可爱又好得意嘅先会买,贵精不贵多。而家我会学习活在当下,好似去旅行少买嘢,又重又惊打烂,心有挂碍。去玩最好系无牵无挂,无谓同自己过唔去,我又唔钟意相机周围影,不如记住仲好过拎嚟睇。”
张慧敏为女儿做Model?
现阶段张慧敏与一对仔女齐齐创业,她亦曾对一对仔女说:“呢个系你阿妈今生最后一个大project。今次做佢哋嘅顾问,始终我系会走,佢哋又会独立,可能我而家嘅嘢同做嘅嘢佢哋未必会认同,或者去到某一日,发生咗啲一啲,佢哋会记得我系点样去处理。呢种相处同了解喺而家嘅家庭唔多,希望将来有一日佢哋组织个家庭,明白要维系其实唔容易,你又唔可以唔爱自己到一个点,无私地奉献,系冇意义,但系亦都唔可以自私用自己方式过活。”
问到她会否觉得满足?她直言:“喺呢一刻唔讲得上,但会系一个挑战。我唔会后悔自己做过嘅所有决定,当然你问系咪有好多嘅事与愿违,好多嘅措手不及,呢个一定会有。”张慧敏提到当时开餐厅时,难找装修,加上因为疫情内地不少厂房停工,最后要延迟半年才能开业,不过她认为能够仔女提供一个学习机会:“可以证明俾佢哋睇,计划赶不上变化,你阿妈唔系样样嘢都可以控告,而系点样去修正,点样去继续唔放弃,亦都可以考验一下个智慧。唔系乜都唔会成功,但系原来你试咗,人哋觉得系麻麻,或者唔应该系咁,咁你就应该收档,真系壮士断臂,输少当赢。”
相关阅读:10位名媛女星时装周衣着逐个睇!汤唯全智贤穿Burberry展气质 女神D&G透视装掀热话丨星级品味
经历过后,张慧敏得出一个结论:“我呢排有一个好深切体会,精诚所至,金石为开,原来当你好努力去嘢嘅时候,真系会有啲座力会帮到你,好似突然间咁啱Manful(松艺馆前总厨李文龙)又出咗嚟,佢都话‘唔好理咁多,大家兄弟班试咗先’,将我哋以前食过嘅蛋包饭、威灵顿牛扒呢啲童年嘅回忆拎出嚟,由佢哋带返个讯息出嚟。”
慨叹香港饮食业千疮百孔
不过张慧敏也坦言对于港人北上消费前感到好乏力,更直指香港饮食业千疮百孔多时:“好坦白咁讲,我都做到好乏力,真系山穷水尽,但系为咗一对仔女,而且我又觉得行紧呢样嘢系啱,系好多人北上消费,有啲人话香港饮食业系好死,但系香港嘅饮食业千疮百孔,唔系今时今日嘅事,好难一言既之,但系问题系我做嘅嘢,佢哋喺上面食到咩?你喺我呢度食饭嘅氛围系好relax,食饭最紧要系气氛同心情,就算当你系上宾式咁招呼,但系冇咗亲切感,你嚟食饭,我提供服务系好应该,不过唔代表我要卑躬屈膝。”
张慧敏否认转型做KOL
近期张慧敏在不少平台出现,有人形容她转型做KOL,甚至进军娱乐圈,不过她说:“我唔认自己系KOL,你话我系influencer,呢个我系认。因为我讲同做嘅嘢系有人睇,系有粉丝,我系影响咗佢哋,对我嚟讲责任系重大好多,因为我言行系影响紧佢哋。”
张慧敏直言近年大家都过得不容易,有冤无路诉:“原来透过我嘅文字同短片,可以令到佢哋得到一啲力量同睇法,甚至指引同祝褔,对我嚟讲系功德无量。”不迥对于KOL她就落闸:“KOL对我嚟讲系另外一件事,我无意贬低任何人,我只不过系以一个同行者、过来人嘅分享。我冇KOL讲得咁叻,只系pk p得多,总之有赌未为输,只系在于你肯唔肯尝试啫。”
张慧敏更笑说:“只不过系揾食艰难,有时都要多谢人哋畀面,以前我好衰,冇钱嘅就唔会去,但系期间如果有多啲机会,有啲途径将Son姐呢套理论传出去,可以令大家好过啲,有多啲平台可以俾多啲人听到,咁What have i got to lose?(我有乜输呢?)”
自信做主持媲美金牌司仪
至于有否被邀拍戏?张慧敏坦言:“试过同人有倾过,但系我都衰格,曾经有个电台话同我开个节目,但系最后系不了了之,言谈间佢就有讲话揾个监制夹我系唔容易。我觉得我嘅能力,做一个节目绝对胜任,又或者做主持唔会比金牌司仪差,只要你问题识得问,而且又有深度,又问得中,带动到被访者讲到一啲新嘅观点,不过重点系你以为你有啫唔,唔代表人哋都唔认为你有。”
张慧敏坦言昔日自大、心有不甘,不过现在变得随和:“你问我会唔会觉得心有不甘,这些机会不属于我,坦白讲,我以前系会有,我都几自大,觉得唔揾我就系你嘅损失。而家我会觉得,呢啲机会冇畀到你,可能系因为你未够好,又可能你嘅好唔系人哋想要𠮶啲,想要个随和啲,咁我肯定唔系是但同随便𠮶个。”
撰文:Grace Ho
摄影:邓国良
场地提供:Telicious(尖沙咀山林道36号地下)
服装提供:女皇의
其他文章:
TVB颁奖礼女星衣着首饰品牌逐件睇!佘诗曼钻饰近70卡 高海宁撑国产设计够高雅丨星级品味
佘诗曼《新闻女王》主播Look逐个睇!200元平价品牌着出霸气 只穿黑白靠名牌袋添玩味丨星级品味
名音乐人王双骏靓帽珍藏全公开!有顶全球独有 为陈奕迅火烧帽最有味道丨星级品味
21位名人雪地用品逐件数!黎姿名牌褛件件过万 TVB女星追捧亲民价滑雪服丨星级品味
《星岛申诉王》推出全新项目“我要赞佢”栏目,现诚邀市民投稿赞扬身边好人好事,共建更有爱社区。立即“我要赞佢”︰ https://bit.ly/3uJ3yyF
想睇更多精彩内容,请立即浏览“区区有申诉”活动专页,https://bit.ly/41hgS9E
>>>立即浏览【移民百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
>>>即读【新移民专栏】:新移民第一身经验,与你分享当下年轻移民生活日常大小事,即读“新移民专栏”。
iPhone:https://apple.co/2IBi812
Android:https://bit.ly/2Pe8anu
>>>订阅【加拿大星岛网电邮快讯】,每天可收到最快新闻资讯电邮:
https://www.singtao.ca/subscribe/singtao.php
>>>立即关注加拿大星岛新闻网TG Channel,让加国新闻无遗漏全天候向你推送:
https://t.me/singtaoca
>>>订阅CCUE YouTube 频道,查看更多吃喝玩乐、生活资讯影片。